കുവൈത്തിലെ യുഎസ് സൈനിക കേന്ദ്രങ്ങള്‍ക്കെതിരായ ആക്രമണം തുടരും: ഇറാന്‍

തെഹ്‌റാന്‍: കുവൈത്തിലെ യുഎസ് സൈനിക കേന്ദ്രങ്ങളെ ലക്ഷ്യം വച്ചതായി ഇറാന്‍ അറിയിച്ചു. വരും മണിക്കൂറുകളില്‍ ആക്രമണങ്ങള്‍ തുടരുമെന്നും ഇറാന്‍ സൈന്യം അറിയിച്ചു.

കുവൈത്തില്‍ അടുത്തിടെ നടത്തിയ ആക്രമണങ്ങള്‍ യുഎസ് സൈനിക കേന്ദ്രങ്ങളെ ലക്ഷ്യം വച്ചാണെന്നും കൂടുതല്‍ ആക്രമണങ്ങള്‍ ഉടന്‍ ഉണ്ടാകുമെന്നും ഇറാന്‍ സൈന്യം വ്യക്തമാക്കി.

'കഴിഞ്ഞ കുറച്ച് മണിക്കൂറുകളായി, സൈന്യത്തിന്റെ കരസേനയുടെ പക്കലുള്ള വിവിധ തരം വിനാശകരമായ ഡ്രോണുകള്‍ കുവൈത്തിലെ അമേരിക്കന്‍ സൈനിക കേന്ദ്രങ്ങളെ ലക്ഷ്യം വച്ചാണ് ആക്രമണം നടത്തിയത്,' ഇറാനിയന്‍ ഔദ്യോഗിക മാധ്യമം സൈന്യത്തെ ഉദ്ധരിച്ച് പറഞ്ഞു.