ഓര്‍ഫനേജ് കണ്‍ട്രോള്‍ ബോര്‍ഡ് മുന്‍ ചെയര്‍മാന്‍ ടി കെ പരീക്കുട്ടി ഹാജി അന്തരിച്ചു

കോഴിക്കോട്: പ്രമുഖ വ്യാപാരിയും മത-സാമൂഹിക-സാംസ്‌ക്കാരിക-ജീവകാരുണ്യ പ്രവര്‍ത്തകനുമായ ടി കെ. പരീക്കുട്ടി ഹാജി(102) അന്തരിച്ചു. നടക്കാവ് രാരിച്ചന്‍ റോഡിലെ വസതിയിലായിരുന്നു അന്ത്യം. കേരള സ്‌റ്റേറ്റ് ഓര്‍ഫനേജ് കണ്‍ട്രോള്‍ ബോര്‍ഡ് മുന്‍ ചെയര്‍മാന്‍, കൊടുവള്ളി യത്തീംഖാന ജനറല്‍ സെക്രട്ടറി, എംഎസ്എസ് കോഴിക്കോട് ജില്ലാ മുന്‍ പ്രസിഡന്റ് തുടങ്ങിയ നിലകളില്‍ പ്രവര്‍ത്തിച്ചിരുന്നു. ഭാര്യ: പരേതയായ എന്‍ സി ഉണ്ണി പാത്തുമ്മ. മക്കള്‍: ടി കെ അഹമ്മദ് കുട്ടി(ടികെപരീക്കുട്ടി ഹാജി & കമ്പനി, വെസ്റ്റ് കല്ലായി), കോയക്കുട്ടി, ഫാത്തിമ്മ, മുഹമ്മദ് അശ്‌റഫ്, അബ്ദുല്‍ ലത്തീഫ്, അബ്ദുല്‍ മജീദ്, അബ്ദുല്‍ ഗഫൂര്‍, പരേതയായ സഫിയ. മയ്യത്ത് നമസ്‌കാരം ചൊവ്വാഴ്ച രാത്രി എട്ടിന് നടക്കാവ് ജുമാ മസ്ജിദിലും (സിഎച്ച് പള്ളി) ഒമ്പതിന് കൊടുവള്ളി മുസ് ലിം യത്തീംഖാനയിലും നടക്കും. ഖബറടക്കം 10ന് കൊടുവള്ളി കളരാന്തിരി കക്കാടന്‍ ചാലിലെ പള്ളി ഖബര്‍സ്ഥാനില്‍.