ദീനിയ്യാത്ത് മദ്‌റസ പൊതുപരീക്ഷാഫലം പ്രഖ്യാപിച്ചു

കായംകുളം: ദീനിയ്യാത്ത് എജ്യുക്കേഷനല്‍ ബോര്‍ഡ് 2022-23 അധ്യയന വര്‍ഷത്തില്‍ നടത്തിയ അഞ്ച്, ഏഴ്, 10 ക്ലാസുകളിലെ മദ്‌റസ പൊതുപരീക്ഷാഫലം പ്രഖ്യാപിച്ചു. സംസ്ഥാനതലത്തില്‍ 28 കേന്ദ്രങ്ങളിലായി നടത്തിയ പരീക്ഷയുടെ ഫലം www.deeniyatkerala.com എന്ന വെബ്‌സൈറ്റില്‍ ലഭിക്കും. അഞ്ചാംക്ലാസില്‍ ഫര്‍ഹാന ഫാത്തിമ(ഇഖ്‌റഅ് ഇസ് ലാമിക് അക്കാദമി, മണക്കാട്), ഷഹന(തര്‍ബിയത്തുല്‍ ഇസ് ലാം മദ്‌റസ, പറക്കോട്), ഷസ്ഫ(മസ്ജിദുല്‍ ഒമാന്‍ ദീനിയ്യാത്ത്, തളിപ്പറമ്പ്) എന്നിവര്‍ സംസ്ഥാന തലത്തില്‍ റാങ്കുകള്‍ കരസ്ഥമാക്കി. ഏഴാം ക്ലാസില്‍ അല്‍ഫിസ സാബിത്(ശംസുല്‍ ഇസ് ലാം ദീനിയ്യാത്ത് മദ്‌റസ, ശൂരനാട്), സ്വഫാന്‍ മുഹമ്മദ്(ഇഖ്‌റഅ് ഇസ് ലാമിക് അക്കാദമി, മണക്കാട്), ഫാത്തിമാ നസ്‌റിന്‍(മദ്‌റസ അബൂബക്കര്‍ സിദ്ദീഖ്(റ), നീലാറ്റിന്‍കര) എന്നിവരാണ് റാങ്ക് ജേതാക്കള്‍. പത്താം ക്ലാസില്‍ സഫിയ്യ ജാസ്മിന്‍(മദ്‌റസ അബൂബക്കര്‍ സിദ്ദീഖ്(റ), നീലാറ്റിന്‍കര), അദീബ(മസ്ജിദുല്‍ ഒമാന്‍ ദീനിയ്യാത്ത്, തളിപ്പറമ്പ്) എന്നിവരാണ് റാങ്കുകള്‍ നേടിയത്.