കൊയിലാണ്ടിയില് സിപിഎം നേതാവിനെ വെട്ടിക്കൊന്നു; വെള്ളിയാഴ്ച ഹര്ത്താല്
![കൊയിലാണ്ടിയില് സിപിഎം നേതാവിനെ വെട്ടിക്കൊന്നു; വെള്ളിയാഴ്ച ഹര്ത്താല് കൊയിലാണ്ടിയില് സിപിഎം നേതാവിനെ വെട്ടിക്കൊന്നു; വെള്ളിയാഴ്ച ഹര്ത്താല്](https://www.thejasnews.com/h-upload/2024/02/22/217688-cpm-koyilandi.webp)
കോഴിക്കോട്: കൊയിലാണ്ടിയില് സിപിഎം നേതാവിനെ വെട്ടിക്കൊന്നു. സിപിഎം കൊയിലാണ്ടി ടൗണ് സെന്ട്രല് ലോക്കല് കമ്മിറ്റി സെക്രട്ടറി പുളിയോറ വയലില് പി വി സത്യനാഥന്(64) ആണ് കൊല്ലപ്പെട്ടത്. കൊയിലാണ്ടി പെരുവട്ടൂര് ചെറിയപുറം ക്ഷേത്രത്തിനു സമീപമാണ് സംഭവം. ഉല്സവം നടക്കുന്നതിനിടെ വെട്ടേറ്റ സത്യനാഥനെ കൊയിലാണ്ടി താലൂക്ക് ആശുപത്രിയില് എത്തിച്ചെങ്കിലും മരണപ്പെട്ടിരുന്നു. രാത്രി 10.30ഓടെയാണ് സംഭവം. ക്ഷേത്രോല്സവത്തിന്റെ ഭാഗമായുള്ള ഗാനമേള നടക്കുന്നതിനിടെയാണ് ആക്രമണമുണ്ടായത്. ശരീരത്തില് നാലിലധികം മഴു കൊണ്ടുള്ള വെട്ടേറ്റിട്ടുണ്ട്. മൃതദേഹം കൊയിലാണ്ടി താലൂക്ക് ആശുപത്രിയില്നിന്ന് പോസ്റ്റ്മോര്ട്ടം നടപടികള്ക്കായി മെഡിക്കല് കോളജ് ആശുപത്രിയിലേക്ക് കൊണ്ടുപോകും. കൊയിലാണ്ടി സിഐ മെല്വിന് ജോസഫിന്റെ നേതൃത്വത്തിലുള്ള പോലിസ് സംഘം ആശുപത്രിയിലെത്തി പ്രാഥമികാന്വേഷണം തുടങ്ങി. പ്രതികളെ കുറിച്ച് പോലിസിന് വിവരം ലഭിച്ചതായാണ് റിപോര്ട്ട്. ഭാര്യ: ലതിക. മക്കള്: സലില്നാഥ്, സെലീന. സഹോദരങ്ങള്: വിജയന് രഘുനാഥ്, സുനില്.കൊലപാതകത്തില് പ്രതിഷേധിച്ച് വെള്ളിയാഴ്ച കൊയിലാണ്ടിയില് ഹര്ത്താലിന് ആഹ്വാനം ചെയ്തിട്ടുണ്ട്.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT