സൗദിയില് വീണ്ടും ബസ് അപകടം; ഒരാള് മരിച്ചു, നിരവധി മലയാളികള്ക്ക് പരിക്ക്
റിയാദില് നിന്ന് 700 കിലോമീറ്ററര് അകലെ അതിവേഗ പാതയില് തായിഫിന് സമീപം അല്മോയയിലുണ്ടായ അപകടത്തില് ഒരു പാകിസ്താന് പൗരന് മരിച്ചു. പത്തിലേറെ മലയാളികള്ക്ക് പരിക്കേറ്റു.
റിയാദ്: മദീനയില് 36 പേരുടെ മരണത്തിനിടയാക്കിയ ഉംറ ബസ്സപകടത്തിന്റെ ഞെട്ടല് മാറും മുമ്പെ ഉംറ തീര്ഥാടകരുടെ ബസില് ട്രെയിലര് ഇടിച്ച് വീണ്ടും അപകടം. റിയാദില് നിന്ന് 700 കിലോമീറ്ററര് അകലെ അതിവേഗ പാതയില് തായിഫിന് സമീപം അല്മോയയിലുണ്ടായ അപകടത്തില് ഒരു പാകിസ്താന് പൗരന് മരിച്ചു. പത്തിലേറെ മലയാളികള്ക്ക് പരിക്കേറ്റു.
ദമ്മാമില് നിന്നുള്ള ഉംറ തീര്ത്ഥാടക സംഘമാണ് അപകടത്തില് പെട്ടത്. മദീനാ സന്ദര്ശനം കഴിഞ്ഞ് മക്കയിലത്തെി ഉംറ നിര്വഹിച്ച ശേഷം തിരികെ ദമ്മാമിലേക്കുള്ള മടക്കയാത്രയിലാണ് അപകടം. കഴിഞ്ഞ ദിവസം രാത്രി വിശ്രമത്തിനായി റോഡരികില് നിര്ത്തിയ ബസ്സിന്റെ പിന്നിലേക്ക് ട്രെയിലര് ഇടിച്ചുകയറുകയായിരുന്നു. ഇടിയുടെ ആഘാതത്തില് ട്രെയിലര് പൂര്ണമായും തകര്ന്നു.
പരിക്കേറ്റ ബസ് യാത്രികരെ ഉടന് അല്മോയ ജനറല് ആശുപത്രിയില് പ്രവേശിപ്പിച്ചു. ഗുരുതര പരിക്കേറ്റ രണ്ടുപേരെ വിദഗ്ധ ചികില്സയ്ക്കായി തായിഫ് ആശുപത്രിയിലേക്ക് മാറ്റി. മറ്റുള്ളവര് പ്രാഥമിക ചികിത്സക്ക് ശേഷം ആശുപത്രി വിട്ടു. ബസ് ഡ്രൈവര് മലപ്പുറം പുലാമന്തോള് സ്വദേശി അബൂബക്കര് സിദ്ദീഖ്, തായിഫ് കിങ് അബ്ദുല് അസീസ് ആശുപത്രിയിലും യാത്രക്കാരനായ തൃശൂര് മംഗലംകുന്ന് സ്വദേശി സെയ്ദാലി അബൂബക്കര് കിങ് ഫൈസല് ആശുപത്രിയിലും ചികിത്സയിലാണ്
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT