കേരളം പിടിക്കാതെ തൃപ്തനാകില്ലെന്ന് അമിത് ഷാ

ന്യൂഡല്‍ഹി: കേരളം പിടിക്കാതെ തൃപ്തനാകില്ലെന്ന് ബിജെപി ദേശീയ അധ്യക്ഷന്‍ അമിത് ഷാ. 2019 ലെ തിരഞ്ഞെടുപ്പ് ഫലത്തില്‍ നിന്ന് ഇനിയും മുന്നോട്ട് പോകണം. കേരളമടക്കം ദക്ഷിണേന്ത്യന്‍ സംസ്ഥാനങ്ങളില്‍ മുന്നേറ്റമുണ്ടാക്കാതെ തൃപ്തിയുണ്ടാകില്ലന്ന് ബിജെപി നേതൃയോഗത്തില്‍ അമിത് ഷാ പറഞ്ഞു.

അംഗത്വ വിതരണത്തില്‍ തുടങ്ങി പ്രദേശികതലം മുതല്‍ സംസ്ഥാനത്തെയും ദേശീയതലത്തിലെയും നേതൃനിരയെ തിരഞ്ഞെടുക്കുന്നതുവരെ നീളുന്ന സംഘടന തിരഞ്ഞെടുപ്പിന്റെ സമയക്രമം യോഗം തീരുമാനിക്കും. ഡിസംബറില്‍ സംഘടന തിരഞ്ഞെടുപ്പ് പൂര്‍ത്തിയാകുംവരെ അമിത് ഷാ ദേശീയ അധ്യക്ഷ സ്ഥാനത്ത് തുടര്‍ന്നേക്കും. ബിജെപി ഭാരവാഹികളും സംസ്ഥാന അധ്യക്ഷന്മാരുമാണ് അമിത് ഷാ വിളിച്ചുചേര്‍ത്ത യോഗത്തില്‍ പങ്കെടുക്കുന്നത്.

പ്രതീക്ഷിച്ച നേട്ടം ലോക്‌സഭാ തിരഞ്ഞെടുപ്പില്‍ കേരളത്തിലുണ്ടാക്കാന്‍ കഴിഞ്ഞില്ലെന്ന് വിമര്‍ശനമുണ്ട്. സംസ്ഥാനത്ത് നേതൃമാറ്റം വേണമെന്ന ആവശ്യം ഒരുവിഭാഗത്തിനുണ്ട്. സംഘടന സംവിധാനങ്ങള്‍ ഏകോപിപ്പിക്കാന്‍ വര്‍ക്കിങ് പ്രസിഡനെ നിയോഗിക്കുന്ന കാര്യവും ചര്‍ച്ചയാകും.