മദ്യപിച്ചിരുന്നു, സ്വര്ണമോതിരം തട്ടിപ്പറിച്ചു; അടിവസ്ത്രം മാത്രം ധരിച്ച് ട്രെയിനില് യാത്ര ചെയ്ത എംഎല്എക്കെതിരേ ഗുരുതര ആരോപണങ്ങള്
ന്യൂഡല്ഹി: ട്രെയിനില് അടിവസ്ത്രം മാത്രം ധരിച്ച് യാത്ര ചെയ്ത എംഎല്എ ഗോപാല് മണ്ഡലിനെതിരെ പ്രതിഷേധം ശക്തമാകുന്നതിനിടെ ഗുരുതര ആരോപണങ്ങളുമായി യാത്രക്കാരന് രംഗത്തത്. എംഎല്എക്കൊപ്പം കോച്ചിലുണ്ടായിരുന്നതും എംഎല്എയുടെ നടപടി ചോദ്യം ചെയ്തതുമായ യാത്രക്കാരനാണ് ആരോപണവുമായി രംഗത്തെത്തിയത്. എംഎല്എ മദ്യപിച്ചിരുന്നെന്നും തന്റെ കൈയിലെ സ്വര്ണമോതിരം പിടിച്ചുപറിച്ചെന്നും ഇയാള് ആരോപിച്ചു. ഡല്ഹി പോലിസില് എംഎല്എക്കെതിരെ യാത്രക്കാരനായ പ്രഹ്ലാദ് പാസ്വാന് പരാതിയും നല്കി.
ജെഡിയു എംഎല്എയായ ഗോപാല് മണ്ഡല് മദ്യപിച്ച് അടിവസ്ത്രം മാത്രം ധരിച്ച് ട്രെയിനില് നടന്നെന്നും ചോദ്യം ചെയ്തപ്പോള് സ്വര്ണമോതിരം തട്ടിപ്പറിച്ച് അപമര്യാദയായി പെരുമാറിയെന്നും പരാതിയില് പറയുന്നു. ഡല്ഹി റെയില് സ്റ്റേഷന് പോലിസിലാണ് പരാതി നല്കിയത്. പട്നദില്ലി തേജസ് രാജധാനി എക്സ്പ്രസിലെ എസി കമ്പാര്ട്ട്മെന്റിലായിരുന്നു സംഭവം.
സ്ത്രീകളടക്കം യാത്ര ചെയ്തിരുന്ന കമ്പാര്ട്ട്മെന്റിലായിരുന്നു എംഎല്എ അപമര്യാധയായി പെരുമാറിയത്. നടപടി ചോദ്യം ചെയ്തവര്ക്ക് നേരെ അസഭ്യ വര്ഷം നടത്തിയെന്നും പരാതിയുണ്ട്. അടിവസ്ത്രം ധരിച്ച് ട്രെയിനുള്ളില് നില്ക്കുന്ന എംഎല്എയുടെ ചിത്രങ്ങള് സമൂഹമാധ്യമങ്ങളില് വ്യാപകമായി പ്രചരിച്ചിരുന്നു.
അതേസമയം യാത്ര ചെയ്യുന്ന സമയത്ത് വയറിന് അസ്വസ്ഥത തോന്നിയത് കൊണ്ടാണ് അത്തരത്തില് വസ്ത്രം ധരിച്ചതെന്ന് വിശദീകരിച്ച് ഗോപാല് മണ്ഡല് രംഗത്തെത്തി.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT