'അയ്യപ്പനും ദൈവഗണങ്ങളും സര്‍ക്കാരിനൊപ്പം'; മുഖ്യമന്ത്രിയുടെ പരാമര്‍ശത്തിനെതിരേ പരാതി
കണ്ണൂര്‍: തിരഞ്ഞെടുപ്പ് ദിനത്തില്‍ മുഖ്യമന്ത്രി പിണറായി വിജയന്‍ നടത്തിയ മാധ്യമങ്ങള്‍ക്ക് മുന്നില്‍ നടത്തിയ പരാമര്‍ശത്തിനെതിരേ നടപടി ആവശ്യപ്പെട്ട് കണ്ണൂര്‍ ഡിസിസി പ്രസിഡന്റ് സതീശന്‍ പാച്ചേനി മുഖ്യതിരഞ്ഞെടുപ്പ് ഓഫിസര്‍ക്ക് കത്ത് നല്‍കി. 'അയ്യപ്പനും ഇന്നാട്ടിലെ എല്ലാ ദൈവഗണങ്ങളും ഈ സര്‍ക്കാരിനൊപ്പമാണ്' എന്ന തിരഞ്ഞെടുപ്പ് ദിനത്തിലെ പരാമര്‍ശത്തിനെതിരേയാണ് സതീശന്‍ പാച്ചേനി പരാതി നല്‍കിയത്.
മുഖ്യമന്ത്രിയുടെ പരാമര്‍ശം തിരഞ്ഞെടുപ്പ് പെരുമാറ്റച്ചട്ടത്തിന്റെ ഒന്നാം ഭാഗത്തിലെ മൂന്നാം ഖണ്ഡിക പ്രകാരം നഗ്‌നമായ ചട്ടലംഘനം ആണ്. വോട്ട് നേടാനായി ജാതി-മത വികാരങ്ങള്‍ ഉണര്‍ത്തുന്ന താരത്തിലുള്ള അഭ്യര്‍ഥനകളോ പരാമര്‍ശങ്ങളോ പാടില്ലെന്നാണ് ഈ ഭാഗത്ത് നിഷ്‌കര്‍ഷിക്കുന്നത്. മുഖ്യമന്ത്രിയുടെ പരാമര്‍ശത്തിന്റെ ദൃശ്യങ്ങള്‍ അടങ്ങുന്ന സിഡിയും പരാതിയോടൊപ്പം നല്‍കിയിട്ടുണ്ട്.
Complaint against the reference of the Chief Minister
