ഭൂകമ്പം: മരണ സംഖ്യ 1000 കടന്നു; അഫ്ഗാന് സഹായവുമായി ഐക്യരാഷ്ട്രസഭ
കാബൂള്: ഭൂകമ്പത്തില് തകര്ന്ന അഫ്ഗാനിസ്ഥാനില് രക്ഷാപ്രവര്ത്തനത്തിന് സഹായവുമായി ഐക്യരാഷ്ട്രസഭ. മരുന്നും ഭക്ഷണവും ഭൂകമ്പബാധിതപ്രദേശത്ത് എത്തിച്ച് തുടങ്ങിയതായി ഐക്യരാഷ്ട്രസഭ വക്താവ് അറിയിച്ചു. അന്താരാഷ്ട്രസമൂഹത്തിന്റെ സഹായം അഫ്ഗാന് ഭരണകൂടം തേടിയതിന് പിന്നാലെയാണ് നടപടി.
ഇന്നലെ ഉണ്ടായ ഭൂകമ്പത്തില് മരണസംഖ്യ ആയിരം കടന്നു. മരണസംഖ്യ ഇനിയും ഉയരാനുള്ള സാധ്യതയുണ്ടെന്ന് അധികൃതകര് വ്യക്തമാക്കി. പല ജില്ലകളും പൂര്ണ്ണമായും തകര്ന്ന നിലയിലാണ്. വാര്ത്താവിതരണസംവിധാനവും റോഡുകളും തകര്ന്നത് രക്ഷാപ്രവര്ത്തനം ഏറെ ദുഷ്ക്കരമാക്കിയിരിക്കുകയാണ്.
കിഴക്കന് മേഖലയില് പാക് അതിര്ത്തിയോട് ചേര്ന്ന പഖ്തിക ഖോസ്ത് പ്രവിശ്യകളിലാണ് ഭൂചലനമുണ്ടായത്. ഈ പ്രദേശം ഹിന്ദുകുഷ് മലനിരകളിലായതിനാല് രക്ഷാപ്രവര്ത്തനം ദുഷ്കരമാണ്. ഇന്നലെ പുലര്ച്ചെയാണ് റിക്ടര് സ്കെയില് 6.1 രേഖപ്പെടുത്തിയ ഭൂചലനമുണ്ടായത്.
'നിരവധി ആളുകള് ഇപ്പോഴും മണ്ണിനടിയില് കുടുങ്ങിക്കിടക്കുകയാണ്. ഇസ്ലാമിക് എമിറേറ്റിന്റെ രക്ഷാസംഘം എത്തിയിട്ടുണ്ട്, പ്രദേശവാസികളുടെ സഹായത്തോടെ മരിച്ചവരെയും പരിക്കേറ്റവരെയും പുറത്തെടുക്കാന് ശ്രമിക്കുകയാണ്,' കഠിനമായി ബാധിച്ച പക്തിക പ്രവിശ്യയിലെ ഒരു ആശുപത്രിയിലെ ആരോഗ്യ പ്രവര്ത്തകന് പറഞ്ഞു.
മഴയും ഭൂചലനവും ഒരുമിച്ചായത് കൂടുതല് അപകടസാധ്യത സൃഷ്ടിച്ചു. ഇത് രക്ഷാപ്രവര്ത്തനത്തെ ബാധിച്ചിട്ടുണ്ട്. മെഡിക്കല് ഹെല്ത്ത് ടീമുകളെ വിന്യസിക്കുകയും മെഡിക്കല് സപ്ലൈസ് നല്കുകയും ചെയ്യുന്നുണ്ടെന്ന് യുഎന് ഹ്യൂമാനിറ്റേറിയന് ഓഫീസ് അറിയിച്ചു. ചില ഗ്രാമങ്ങള് മലനിരകളിലെ വിദൂര പ്രദേശങ്ങളിലായതിനാല് മരണസംഖ്യ ഉയരാന് സാധ്യതയുണ്ടെന്നും വിശദാംശങ്ങള് ശേഖരിക്കാന് കുറച്ച് സമയമെടുക്കുമെന്നും ആഭ്യന്തര മന്ത്രാലയ ഉദ്യോഗസ്ഥന് സലാഹുദ്ദീന് അയ്യൂബി പറഞ്ഞു.
RELATED STORIES
രാജ്യത്തെ വീണ്ടെടുക്കാന് ദേശസ്നേഹികള് ഐക്യപ്പെടണം: അഡ്വ....
29 Feb 2024 2:27 PM GMTചാത്തന്നൂര് സ്റ്റേഷനിലെ സീനിയര് സിവില് പോലിസ് ഓഫീസര് മരിച്ച...
22 Feb 2024 5:36 PM GMTഅബ്ദുല് നാസര് മഅ്ദനിയെ ആശുപത്രിയില് പ്രവേശിപ്പിച്ചു
20 Feb 2024 4:58 AM GMTബെംഗളൂരുവില് വാഹനാപകടത്തില് രണ്ട് മലയാളി വിദ്യാര്ഥികള് മരിച്ചു
20 Feb 2024 4:48 AM GMTകൊല്ലം പട്ടാഴിയില്നിന്ന് കാണാതായ കുട്ടികളുടെ മൃതദേഹം കല്ലടയാറ്റില്...
16 Feb 2024 5:29 AM GMTഎസ്എഫ് ഐയുടെ കരിങ്കൊടി പ്രതിഷേധം; കാറില്നിന്നിറങ്ങി റോഡരികിലിരുന്ന്...
27 Jan 2024 6:56 AM GMT