ഓസ്ട്രേലിയയിലേക്ക് ബോട്ടില് കടക്കാന് ശ്രമം: 11 ശ്രീലങ്കക്കാര് കൊല്ലത്ത് പിടിയില്
കൊല്ലം: കൊല്ലത്ത് നിന്നും ബോട്ട് മാര്ഗ്ഗം ഓസ്ട്രേലിയയിലേക്ക് കടക്കാന് ശ്രമിച്ച 11 ശ്രീലങ്കന് പൗരന്മാര് പോലിസ് പിടിയിലായി. കൊല്ലം നഗരത്തിലെ ഒരു ലോഡ്ജില് നിന്നാണ് ഇവരെ പോലിസ് പിടികൂടിയത്. ഓസ്ട്രേലിയയിലേക്ക് അനധികൃതമായി കുടിയേറുക എന്നതായിരുന്നു ഇവരുടെ പദ്ധതിയെന്നാണ് പോലിസ് നല്കുന്ന സൂചന. ഇവരെ പോലിസ് ഉദ്യോഗസ്ഥര് ചോദ്യം ചെയ്തു വരികയാണ്. ലോഡ്ജില് നിന്നും കസ്റ്റഡിയിലെടുത്ത ഇവരെ കൊല്ലം ഈസ്റ്റ് പോലിസ് സ്റ്റേഷനിലെത്തിച്ചു. തമിഴ്നാട് ക്യൂ ബ്രാഞ്ച് ഉദ്യോഗസ്ഥരും സ്റ്റേഷനിലെത്തി ഇവരെ ചോദ്യം ചെയ്യുന്നുണ്ട്.
ആഗസ്ത് മാസം 19ന് ശ്രീലങ്കയില് നിന്നും രണ്ട് പേര് ചെന്നൈയില് ടൂറിസ്റ്റ് വിസയില് എത്തിയിരുന്നു. എന്നാല് പിന്നീട് ഇവരെ കാണാതായി. ഇവരെ തേടി തമിഴ്നാട് ക്യൂബ്രാഞ്ച് തമിഴ്നാട്ടിലും അയല്സംസ്ഥാനങ്ങളിലും അന്വേഷണം ആരംഭിച്ചു. കേരളത്തിലെ എല്ലാ ജില്ലാ പോലിസ് മേധാവിമാര്ക്കും ഇതു സംബന്ധിച്ച വിവരം കൈമാറിയിരുന്നു. ഇതിന്റെ അടിസ്ഥാനത്തില് കൊല്ലം നഗരത്തിലെ വിവിധ ലോഡ്ജുകളില് പോലിസ് നടത്തിയ തെരച്ചിലിലാണ് 11 ശ്രീലങ്കന് പൗരന്മാര് അറസ്റ്റിലായത്.
പിടിയിലായവരില് രണ്ട് പേര് ചെന്നൈയിലെത്തി മുങ്ങിയവരാണ്. ആറ് പേര് ട്രിച്ചിയിലെ ലങ്കന് അഭയാര്ത്ഥി ക്യാപിലും മൂന്ന് പേര് ചെന്നൈയിലെ അഭയാര്ത്ഥി ക്യാംപിലും കഴിയുന്നവരാണ്. ശ്രീലങ്കയിലുള്ള ലക്ഷ്മണ എന്നൊരാളാണ് ഇവരുടെ ഏജന്റ എന്നാണ് വിവരം. കേരളത്തിലെത്തി തന്റെ മറ്റൊരു ഏജന്റിനെ കാണാനായിരുന്നു ഇവര്ക്ക് കിട്ടിയ നിര്ദേശം.
അതേസമയം ഇപ്പോള് പിടിയിലായ പതിനൊന്ന് പേര് മാത്രമായിരിക്കില്ല ബോട്ടില് കടക്കാന് പദ്ധതിയിട്ടത് എന്നാണ് പോലിസിന്റേയും തമിഴ്നാട് ക്യൂ ബ്രാഞ്ചിന്റേയും നിഗമനം. വലിയ ബോട്ടില് വന്സംഘമായിട്ടാണ് ഇത്തരക്കാര് സാധാരണ ഓസ്ട്രേലിയയിലേക്ക് പോകാറുള്ളത്. അതിനാല് തന്നെ കൂടുതല് പേര് കൊല്ലത്തേക്ക് വന്നു കൊണ്ടിരിക്കുകയോ അടുത്ത നിര്ദ്ദേശം കാത്ത് സമീപജില്ലകളില് തമ്പടിക്കുകയോ ആയിരിക്കാം എന്നാണ് പോലിസ് കരുതുന്നത്. കേരളത്തിലെ ഇവര്ക്ക് ബന്ധപ്പെടാന് നിര്ദേശം കിട്ടിയ ഏജന്റ് കൊല്ലത്തുള്ള ആളാണെന്ന സൂചനയും പോലിസിന് ലഭിച്ചിട്ടുണ്ട്. പിടിയിലായവരുടെ ഫോണുകള് കേന്ദ്രീകരിച്ച് സംഘത്തിലെ മറ്റുള്ളവരെ കൂടി പിടികൂടാനുള്ള ശ്രമത്തിലാണ് പൊലീസും തമിഴ്നാട് ക്യൂബ്രാഞ്ചും ഇപ്പോള്.
RELATED STORIES
ചോദ്യം ചെയ്യലിന് ഹാജരാകാനാവില്ല; കോഴ വിവാദത്തില് ഇഡിയുടെ സമന്സ്...
28 March 2024 2:56 PM GMTഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTകെജ് രിവാളിന്റെ ഇ ഡി കസ്റ്റഡി നാലുദിവസം കൂടി നീട്ടി; കോടതിയില് സ്വയം...
28 March 2024 1:59 PM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTകെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMTസിഎഎ യോഗ്യതാ സർട്ടിഫിക്കറ്റ് മതപുരോഹിതർക്ക് നൽകാനാകുമെന്ന് കേന്ദ്ര...
28 March 2024 7:02 AM GMT