തേജസ് ന്യൂസ്- ജൂനിയര്‍ ഫ്രന്റ്‌സ് കേരള 'ഫ്രീഡം ക്വിസ്' ഫലപ്രഖ്യാപനം ചൊവ്വാഴ്ച

കോഴിക്കോട്: സ്വാതന്ത്ര്യദിനത്തോടനുബന്ധിച്ച് കൊച്ചുകൂട്ടുകാര്‍ക്കായി ജൂനിയര്‍ ഫ്രന്റ്‌സ് കേരളയും തേജസ് ന്യൂസും സംയുക്തമായി സംഘടിപ്പിച്ച ഫ്രീഡം ക്വിസ് മല്‍സരത്തിന്റെ ഫലപ്രഖ്യാപനം ആഗസ്ത് 31ന് ചൊവ്വാഴ്ച നടക്കും. വൈകീട്ട് 5 മണിക്ക് ജൂനിയര്‍ ഫ്രന്റ്‌സ് കേരള ഫെയ്‌സ്ബുക്ക് പേജിലൂടെ സംസ്ഥാന പ്രസിഡന്റ് അഹമദ് നജാദ് ഫലപ്രഖ്യാപനം നടത്തും.

ആഗസ്ത് 15ന് രാവിലെ എട്ട് മുതല്‍ 2021 ആഗസ്ത് 17 ന് വൈകീട്ട് 7 മണി വരെയാണ് ഫ്രീഡം ക്വിസ് മല്‍സരം സംഘടിപ്പിച്ചിരുന്നത്. കുട്ടികള്‍ ഉത്തരങ്ങള്‍ ഓണ്‍ലൈന്‍ ലിങ്ക് വഴി രേഖപ്പെടുത്തുകയാണ് ചെയ്തത്. ഒന്നാം സമ്മാനം സൈക്കിളാണ്. രണ്ടാം സമ്മാനം ടാബും മൂന്നാം സമ്മാനം സ്റ്റഡി ടേബിളുമാണ് ലഭിക്കുക. 7 വയസ് മുതല്‍ 13 വയസ് വരെയുള്ള കുട്ടികള്‍ക്കാണ് മല്‍സരത്തില്‍ പങ്കെടുക്കാന്‍ അവസരം നല്‍കിയിരുന്നത്.