കൊവിഡ് 19: വിംബിള്‍ഡണ്‍ ഉപേക്ഷിച്ചു

ന്യൂയോര്‍ക്ക്: കൊവിഡ് 19ന്റെ വ്യാപനം ലോകത്ത് തുടരുന്ന സാഹചര്യത്തില്‍ ഈ വര്‍ഷത്തെ വിംബിള്‍ഡണ്‍ ഉപേക്ഷിച്ചു. ജൂണ്‍ 29 മുതല്‍ ജൂലൈ 12 വരെയായിരുന്നു നേരത്തേ വിംബിള്‍ഡണ്‍ നടത്താന്‍ തീരുമാനിച്ചത്. ജൂലൈ 13 വരെ ലോകത്തെ എല്ലാ ടെന്നീസ് ടൂര്‍ണമെന്റുകളും ഉപേക്ഷിച്ചെന്ന് ഓള്‍ ഇംഗ്ലണ്ട് ടെന്നീസ് ക്ലബ്ബ് ചെയര്‍മാന്‍ അറിയിച്ചു. നേരത്തേ ഫ്രഞ്ച് ഓപണ്‍ മാറ്റിവച്ചിരുന്നു. മെയ് മാസം നടക്കേണ്ട ഫ്രഞ്ച് ഓപണ്‍ സപ്തംബര്‍ 20ലേക്കാണ് മാറ്റിയത്. ഇതിനുമുമ്പ് രണ്ടാം ലോക മഹായുദ്ധ കാലത്താണ് വിംബിള്‍ഡണ്‍ മാറ്റിവച്ചത്.