പ്രീമിയര് ലീഗ്; യുനൈറ്റഡിന്റെ തിരിച്ചുവരവിന് ബ്ലോക്കിട്ട് ഷെഫീല്ഡ്
ഇന്ന് പ്രീമിയര് ലീഗില് നടന്ന യുനൈറ്റഡ്-ഷെഫീല്ഡ് മല്സരമാണ് നാടകീയതയ്ക്കൊടുവില് സമനിലയില് കലാശിച്ചത്.
ന്യൂയോര്ക്ക്: വമ്പന് തിരിച്ചുവരവ് നടത്തി മല്സരം വരുതിയിലാക്കിയ മാഞ്ചസ്റ്റര് യുനൈറ്റഡിന് ഒടുവില് ഷെഫീല്ഡിന്റെ ഷോക്ക്. ഇന്ന് പ്രീമിയര് ലീഗില് നടന്ന യുനൈറ്റഡ്-ഷെഫീല്ഡ് മല്സരമാണ് നാടകീയതയ്ക്കൊടുവില് സമനിലയില് കലാശിച്ചത്. ലീഗില് ആറാം സ്ഥാനത്തുള്ള ഷെഫീല്ഡ് യുനൈറ്റഡാണ് മല്സരത്തില് മുന്നിലെത്തിയത്. ഫളക്കാണ് (19) ഷെഫീല്ഡിന് ലീഡ് നല്കിയത്.
തുല്യ നിലയിലായിരുന്നു ആദ്യ പകുതിയില് ഇരുടീമിന്റെയും പ്രകടനം. എന്നാല് രണ്ടാം പകുതിയില് മൗസറ്റിലൂടെ (52) ഷെഫീല്ഡ് ലീഡ് രണ്ടാക്കി വര്ദ്ധിപ്പിച്ചു. ഏറെ താമസിയാതെ യുനൈറ്റഡ് തകര്പ്പന് പ്രകടനത്തിലൂടെ 10 മിനിറ്റിനുള്ളില് മൂന്ന് ഗോള് നേടി മല്സരം വരുതിയിലാക്കി.സ്കോര് 2-3. വില്ല്യംസ്(72), ഗ്രീന്വുഡ്(77), റാഷ്ഫോഡ്(79) എന്നിവരാണ് മാഞ്ചസ്റ്ററിന്റെ ഗോള് നേടിയവര്. വിജയം കൈപ്പിടിയിലൊതുക്കിയെന്ന് കരുതിയ മാഞ്ചസ്റ്റര് താരങ്ങളെ ഞെട്ടിച്ച് ഷെഫീല്ഡിന്റെ മക്ബ്രൂണിയുടെ വക 90ാം മിനിറ്റില് ഗോള്. ഷെഫീല്ഡിന്റെ ഗോളോടെ മല്സരം 3-3 സമനിലയില് കലാശിച്ചു. യുനൈറ്റഡ് ലീഗില് ഒമ്പതാം സ്ഥാനത്താണ്.
RELATED STORIES
പേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT'ഭയത്തോട് കൂടി ഒരു മനുഷ്യനെങ്കിലും രാജ്യത്ത് ജീവിക്കുകയാണെങ്കിൽ അത്...
29 March 2024 6:12 AM GMTഅബ്ദുന്നാസിര് മഅ്ദനി അതീവ ഗുരുതരാവസ്ഥയില്
29 March 2024 6:07 AM GMTഎം വി ഗോവിന്ദനെതിരേ സാമൂഹികമാധ്യമങ്ങളിലൂടെ വ്യാജപ്രചാരണം: ഡിജിപിക്കും...
28 March 2024 5:15 PM GMTസിദ്ധാര്ത്ഥന്റെ മരണത്തില് ജുഡീഷ്യല് അന്വേഷണത്തിന് ഉത്തരവിട്ട്...
28 March 2024 3:04 PM GMT