ലോകകപ്പ് യോഗ്യത; ഇറ്റലിക്ക് ജയം; സ്‌പെയിനിന് സമനില

റോം: ലോകകപ്പ് യോഗ്യതാ മല്‍സരങ്ങളില്‍ ഇറ്റലി ജയിച്ചു കയറിയപ്പോള്‍ കരുത്തരായ സ്‌പെയിനിന് സമനില. നോര്‍ത്തേണ്‍ അയര്‍ലാന്റിനോട് എതിരില്ലാത്ത രണ്ട് ഗോളിനായിരുന്നു ഇറ്റലിയുടെ ജയം. ബെറാഡി(സസുഓള), ഇമ്മൊബിലേ(ലാസിയോ) എന്നിവരാണ് ഇറ്റലിയുടെ സ്‌കോറര്‍മാര്‍. ഒരു ഗോളിന്റെ ലീഡെടുത്തതിന് ശേഷമാണ് സ്‌പെയിന്‍ ഗ്രീസിനോട് സമനില വഴങ്ങിയത്. യുവന്റസ് താരമായ ആല്‍വോരോ മൊറാട്ടയാണ് സ്‌പെയിനിന്റെ ഏകഗോള്‍ നേടിയത്. സ്‌പെയിനിന്റെ അടുത്ത മല്‍സരം ഞായറാഴ്ച ജോര്‍ജ്ജിയയുമായാണ്. ഇന്ന് നടന്ന മല്‍സരത്തില്‍ ജോര്‍ജ്ജിയയെ സ്വീഡന്‍ ഒരു ഗോളിന് തോല്‍പ്പിച്ചിരുന്നു. മിലാന്‍ താരം സാള്‍ട്ടണ്‍ ഇബ്രാഹിമോവിച്ചിന്റെ അസിസ്റ്റില്‍ നിന്നും ക്ലാസെന്‍ ആണ് സ്വീഡന്റെ ഗോള്‍ നേടിയത്.