മെസി കേരളത്തിലേക്കില്ല; ഈ വര്ഷത്തെ ഫിക്സച്ചറില് കേരളം പുറത്ത്; കളിക്കുക ചൈനയില്
കൊച്ചി: ഫുട്ബോള് ഇതിഹാസം ലിയോണല് മെസി ഉടന് കേരളത്തിലേക്കില്ല. ടീമിന്റെ ഈ വര്ഷത്തെ സൗഹൃദ മല്സരങ്ങളില് തീരുമാനം ആയെന്ന് റിപോര്ട്ട്. ഇതോടെ അര്ജന്റീന ഫുട്ബോള് ടീം ഈ വര്ഷം ഇന്ത്യയിലേക്കില്ലെന്ന് ഉറപ്പായി. ഒക്ടോബറില് ചൈനയില് രണ്ട് മല്സരങ്ങള് കളിക്കും. ഒരു മല്സരത്തില് ചൈന എതിരാളികളാവും. നവംബറില് ആഫ്രിക്കയിലും ഖത്തറിലും അര്ജന്റീന കളിക്കും. ആഫ്രിക്കയിലെ മല്സരത്തില് അംഗോള എതിരാളികള്. ഖത്തറില് അര്ജന്റീന അമേരിക്കയെ നേരിടും. ഈ വര്ഷം സെപ്റ്റംബറോടെ ദക്ഷിണ അമേരിക്കന് ലോകകപ്പ് യോഗ്യതാ മല്സരങ്ങള് അവസാനിക്കും. തുടര്ന്ന് ലോകകപ്പ് തയ്യാറെടുപ്പ് എന്ന നിലയിലാണ് ദേശീയ ടീം സൗഹൃദ മല്സരങ്ങള്ക്ക് പുറപ്പെടുന്നത്.
ഒക്ടോബറില് മെസി കേരളത്തില് എത്തുമെന്നാണ് കായിക മന്ത്രി വി അബ്ദുറഹിമാന് പറഞ്ഞിരുന്നത്. മന്ത്രിയോ സര്ക്കാറോ കഴിഞ്ഞ കുറെയാഴ്ചകളായി ഈ വിഷയത്തില് പ്രതികരിക്കാറില്ലായിരുന്നു. 2011ലാണ് ഇതിന് മുമ്പ് അര്ജന്റീന ഇന്ത്യയിലെത്തിയത്. അന്ന് മെസിയുടെ നേതൃത്വത്തിലിറങ്ങിയ ടീം കൊല്ക്കത്ത സാള്ട്ട്ലേക്ക് സ്റ്റേഡിയത്തില് വെനസ്വേലയെ ആണ് നേരിട്ടത്. അന്ന് അര്ജന്റീന ഏകപക്ഷീയമായ ഒരു ഗോളിന് ജയിച്ചിരുന്നു. 2022ല് ഖത്തറില് നടന്ന ഫുട്ബോള് ലോകകപ്പില് കിരീടം നേടിയ അര്ജന്റീന ടീമിന് കേരളത്തില് നിന്ന് ലഭിച്ച പിന്തുണക്ക് അര്ജന്റീന ഫുട്ബോള് അസോസിയേഷന് നന്ദി പറഞ്ഞിരുന്നു. പിന്നാലെ കേരള സര്ക്കാര് അര്ജന്റീന ടീമിനെ കേരളത്തിലേക്ക് ക്ഷണിക്കുകയും അതിനായുള്ള ശ്രമങ്ങള് തുടങ്ങുകയും ചെയ്തിരുന്നു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
