അന്താരാഷ്ട സൗഹൃദമല്‍സരം; അര്‍ജന്റീനയെ മെസ്സി നയിക്കും; എമിലിയാനോ മാര്‍ട്ടിനെസ് പുറത്ത്

ബ്യൂണസ് ഐറിസ്: അംഗോളയ്ക്കെതിരായ അന്താരാഷ്ട സൗഹൃദമല്‍സരത്തിനുള്ള അര്‍ജന്റീന ടീമിനെ പ്രഖ്യാപിച്ചു. നവംബര്‍ 14-ന് ലുവാന്‍ഡ സ്റ്റേഡിയത്തില്‍ നടക്കുന്ന മല്‍സരത്തില്‍ ലയണല്‍ മെസ്സി അര്‍ജന്റീനയെ നയിക്കും. പരിശീലകന്‍ ലയണല്‍ സ്‌കലോനി പ്രഖ്യാപിച്ച 24 അംഗ ടീമില്‍ അരങ്ങേറ്റം കുറിക്കാത്ത മൂന്ന് കളിക്കാരും ഉള്‍പ്പെടുന്നു. നവംബറിലെ ഫിഫ വിന്‍ഡോയില്‍ അര്‍ജന്റീനയുടെ ഏക സൗഹൃദമല്‍സരമാണ് അംഗോളയില്‍ നടക്കുന്നത്.

ലൗട്ടാരോ മാര്‍ട്ടിനെസ്, ജൂലിയന്‍ അല്‍വാരസ് തുടങ്ങിയ പ്രമുഖര്‍ ഉള്‍പ്പെടുന്ന ടീമില്‍, ജിയാന്‍ലൂക്ക പ്രെസ്റ്റിയാനി, ജോക്വിന്‍ പാനിച്ചെല്ലി, മാക്സിമോ പെറോണ്‍ എന്നീ പുതുമുഖങ്ങളെയും ഉള്‍പ്പെടുത്തി. അതേസമയം പരിക്കേറ്റ ഗോള്‍ക്കീപ്പര്‍ എമിലിയാനോ മാര്‍ട്ടിനെസ് സ്‌ക്വാഡിലില്ല. 2026 ഫിഫ ലോകകപ്പിന് മുന്‍പായി ടീമില്‍ പരീക്ഷണങ്ങള്‍ നടത്താനുള്ള സ്‌കലോനിയുടെ അവസാന അവസരങ്ങളിലൊന്നായിരിക്കും ഈ മല്‍സരം.

അര്‍ജന്റീന ടീം:

ഗോള്‍ക്കീപ്പര്‍മാര്‍: ജെറോനിമോ റൂളി, വാള്‍ട്ടര്‍ ബെനിറ്റസ്

പ്രതിരോധനിര: നഹുവല്‍ മോളിന, യുവാന്‍ ഫോയ്ത്ത്, ക്രിസ്റ്റിയന്‍ റൊമേറോ, നിക്കോളാസ് ഓട്ടമെന്‍ഡി, മാര്‍ക്കോസ് സെനേസി, നിക്കോളാസ് ടാഗ്ലിയാഫിക്കോ, വാലന്റീന്‍ ബാര്‍ക്കോ.

മധ്യനിര: അലക്സിസ് മാക് അലിസ്റ്റര്‍, മാക്സിമോ പെറോണ്‍, റോഡ്രിഗോ ഡി പോള്‍, എന്‍സോ ഫെര്‍ണാണ്ടസ്, തിയാഗോ അല്‍മാഡ, ജിയോവാനി ലോ സെല്‍സോ, നിക്കോളാസ് പാസ്.

മുന്നേറ്റനിര: ലയണല്‍ മെസ്സി, ജൂലിയാനോ സിമിയോണി, ജിയാന്‍ലൂക്ക പ്രെസ്റ്റിയാനി, നിക്കോളാസ് ഗോണ്‍സാലസ്, ലൗട്ടാരോ മാര്‍ട്ടിനെസ്, ഹോസെ മാനുവല്‍ ലോപ്പസ്, ജൂലിയന്‍ അല്‍വാരസ്, ജോക്വിന്‍ പാനിച്ചെല്ലി.