യൂറോപ്പാ ലീഗില്‍ മാഞ്ചസ്റ്റര്‍ യുനൈറ്റഡ് ക്വാര്‍ട്ടറില്‍; റയല്‍ സോസിഡാഡിനെതിരേ മിന്നും ജയം

ഓള്‍ഡ്ട്രാഫോഡ്: യൂറോപ്പാ ലീഗില്‍ മാഞ്ചസ്റ്റര്‍ യുനൈറ്റഡിന് മിന്നും ജയം. സ്പാനിഷ് ക്ലബ്ബ് റയല്‍ സോസിഡാഡിനെതിരേ 4-1ന്റെ ജയമാണ് മാഞ്ചസ്റ്റര്‍ നേടിയത്. ജയത്തോടെ യുനൈറ്റഡ് ക്വാര്‍ട്ടറില്‍ പ്രവേശിച്ചു. ബ്രൂണോ ഫെര്‍ണാണ്ഡസ് യുനൈറ്റഡിനായി ഹാട്രിക്ക് നേടി. മറ്റൊരു ഗോള്‍ ഡീഗോ ഡലോട്ടിന്റെ വകയായിരുന്നു. ഗര്‍ണാഷോ, ഹോയിലുന്റ് എന്നിവര്‍ ഗോളുകള്‍ക്ക് അസിസ്റ്റ് ഒരുക്കി. മറ്റ് മല്‍സരങ്ങളില്‍ ടോട്ടന്‍ഹാം എസ് അല്‍കമാറിനെ 3-1ന് പരാജയപ്പെടുത്തി. അയാകസിനെ എന്റട്രാച്ച് ഫ്രാങ്ക്ഫര്‍ട്ട് 4-1ന് വീഴത്തി.

ലാസിയോ - വിക്ടോറിയാ പ്ലസന്‍ മല്‍സരം 1-1 സമനിലയില്‍ കലാശിച്ചെങ്കിലും ആദ്യ പാദ മല്‍സരത്തിലെ വിജയത്തില്‍ ലാസിയോ ക്വാര്‍ട്ടറില്‍ കയറി.എ എസ് റോമയെ 3-1ന് മറികടന്ന് അത്‌ലറ്റിക്കോ ക്ലബ്ബ് ക്വാര്‍ട്ടറില്‍ പ്രവേശിച്ചു. റേയ്‌ഞ്ചേഴ്‌സിനെ ഫെനര്‍ബഷെ രണ്ട് ഗോളിന് പരാജയപ്പെടുത്തിയെങ്കിലും ആദ്യ പാദ മല്‍സരത്തില്‍ റേയ്‌ഞ്ചേഴ്‌സ് ജയിച്ചിരുന്നു. തുടര്‍ന്ന് പെനാല്‍റ്റി ഷൂട്ടൗട്ടില്‍ 3-2ന് റേയ്‌ഞ്ചേഴ്‌സ് വിജയിച്ചു.