ഓള്ഡ് ട്രാഫോഡില് ഇഞ്ചുറി ടൈം ഹീറോ ആയി റൊണാള്ഡോ
യുനൈറ്റഡിന്റെ അടുത്ത മല്സരത്തിലെ എതിരാളി അറ്റ്ലാന്റയാണ്.
ഓള്ഡ് ട്രാഫോഡ്: മാഞ്ചസ്റ്റര് യുനൈറ്റഡിന്റെ ഹോം ഗ്രൗണ്ടില് സ്വപ്ന വിജയം കരസ്ഥമാക്കി മാഞ്ച്സറ്റര് യുനൈറ്റഡ്. ചാംപ്യന്സ് ലീഗിലെ ആദ്യ മല്സരത്തില് തോറ്റ യുനൈറ്റഡ് ഇന്ന് വിയ്യാറയലിനെതിരേയാണ് ജയം നേടിയത്. 2-1നായിരുന്നു ചുവപ്പ് ചെകുത്താന്മാര് സ്പാനിഷ് ക്ലബ്ബിനെ തറപറ്റിച്ചത്. ഇഞ്ചുറി ടൈമില് സൂപ്പര് താരം ക്രിസ്റ്റ്യാനോ റൊണാള്ഡോ നേടിയ ഗോളാണ് സോള്ഷ്യറുടെ ടീമിനെ ഇന്ന് വിജയിപ്പിച്ചത്.
ആദ്യപകുതിയില് വിയ്യാറയലിനെതിരേ പൊരുതാന് യുനൈറ്റഡിന് ആയിരുന്നില്ല.എന്നാല് രണ്ടാം പകുതിയില് 53ാം മിനിറ്റില് അല്ക്കസര് സന്ദര്ശകര്ക്ക് വേണ്ടി വലകുലിക്കിയതോടെയാണ് യുനൈറ്റഡ് തിരിച്ചുവന്നത്. തുടര്ന്ന് 60ാം മിനിറ്റില് ബ്രൂണോ ഫെര്ണാണ്ടസിന്റെ അസിസ്റ്റില് നിന്ന് ടെല്ലസാണ് യുനൈറ്റഡിന്റെ സമനില ഗോള് നേടിയത്.
മല്സരം സമനിലയിലേക്ക് നീങ്ങുമെന്ന അവസ്ഥയിലായിരുന്നു. ഇതിനിടെ ചെകുത്താന്മാര് ചില അവസരങ്ങളും സൃഷ്ടിച്ചു. ഒടുവില് സൂപ്പര് താരം റൊണാള്ഡോ തന്നെ ടീമിന്റെ രക്ഷകനായി. ഇഞ്ചുറി ടൈമില് ലിംഗാര്ഡ് നല്കിയ പാസ് അനായാസം റൊണാള്ഡോ ഗോളാക്കി മാറ്റുകയായിരുന്നു. ജയത്തോടെ ഗ്രൂപ്പ് എഫില് യുനൈറ്റഡ് മൂന്നാം സ്ഥാനത്താണ്.യങ് ബോയിസിനെ(രണ്ടാം സ്ഥാനത്ത്) ഇന്ന് പരാജയപ്പെടുത്തിയ അറ്റ്ലാന്റയാണ് ഗ്രൂപ്പില് ഒന്നാം സ്ഥാനത്ത്. യുനൈറ്റഡിന്റെ അടുത്ത മല്സരത്തിലെ എതിരാളി അറ്റ്ലാന്റയാണ്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
