അത്‌ലറ്റിക്കോ മാഡ്രിഡിന് ഷോക്ക്; സുവാരസിന് പരിക്ക്
ഉറുഗ്വെ താരത്തിന്റെ കുറവ് അത്‌ലറ്റിക്കോയെ സാരമായി ബാധിക്കുമെന്നാണ് റിപ്പോര്‍ട്ട്.
മാഡ്രിഡ്: സ്പാനിഷ് ലീഗ് കിരീട പ്രതീക്ഷയുമായി ഒന്നാം സ്ഥാനത്ത് നില്‍ക്കുന്ന അത്‌ലറ്റിക്കോ മാഡ്രിഡിന് വന്‍ തിരിച്ചടി. ക്ലബ്ബിന്റെ സീസണിലെ ടോപ് സ്‌കോറര്‍ ലൂയിസ് സുവാരസ് പരിക്കേറ്റ് ടീമില്‍ നിന്ന് പുറത്തായി. മൂന്ന് ആഴ്ച താരം പുറത്തിരിക്കേണ്ടി വരുമെന്ന് ക്ലബ്ബ് അറിയിച്ചു. പരിശീലനത്തിനിടെ ഇടതു കാലിലെ പേശിക്ക് പരിക്കേല്‍ക്കുകയായിരുന്നു. സീസണില്‍ 19 ഗോള്‍ നേടിയ സുവാരസിന്റെ നിര്‍ണ്ണായക സ്വാധീനത്തിലാണ് അത്‌ലറ്റിക്കോ ലീഗില്‍ ഒന്നില്‍ നില്‍ക്കുന്നത്. ഉറുഗ്വെ താരത്തിന്റെ കുറവ് അത്‌ലറ്റിക്കോയെ സാരമായി ബാധിക്കുമെന്നാണ് റിപ്പോര്‍ട്ട്. ലീഗിലെ നാലോളം മല്‍സരങ്ങളാണ് താരത്തിന് നഷ്ടമാവുക. ലീഗില്‍ രണ്ടാം സ്ഥാനത്തുള്ള ബാഴ്‌സയുമായി ഒരു പോയിന്റ് വ്യത്യാസത്തിലാണ് അത്‌ലറ്റിക്കോ ഒന്നില്‍ നില്‍ക്കുന്നത്. ഈ സീസണിലാണ് സുവാരസ് ബാഴ്‌സ വിട്ട് അത്‌ലറ്റിക്കോയിലേക്ക് ചേക്കേറിയത്.
