ബാഴ്‌സലോണയില്‍ മെസ്സിക്ക് പ്രഥമ പരിഗണന; നെയ്മറുടെ കാര്യം പിന്നീട്

ക്യാംപ് നൗ: സൂപര്‍ താരം ലയണല്‍ മെസ്സിയുടെ കരാര്‍ പുതുക്കാനൊരുങ്ങി ബാഴ്‌സലോണ. നിലവില്‍ 2021 വരെയാണ് മെസ്സിയുടെ ബാഴ്‌സയിലെ കരാര്‍. ഇത് പുതുക്കാനാണ് ബാഴ്‌സ ലക്ഷ്യമിടുന്നത്. ഈ സീസണ്‍ അവസാനത്തോടെ ഫ്രീ ട്രാന്‍സ്ഫറില്‍ മെസ്സിക്ക് ക്ലബ്ബ് വിടാനും അവസരമുണ്ട്. കഴിഞ്ഞ തവണ ക്ലബ്ബിലെത്തിക്കാന്‍ ശ്രമിച്ച പിഎസ്ജി താരം നെയ്മറെ ഇത്തവണ തിരിച്ചുപിടിക്കാന്‍ ബാഴ്‌സയ്ക്ക് ആലോചനയുണ്ട്. എന്നാല്‍ പ്രഥമ പരിഗണന മെസ്സിയുടെ കരാര്‍ പുതുക്കലാണെന്ന് ബാഴ്‌സ പ്രസിഡന്റ് ജോസ്‌പെ മരിയാ ബാര്‍റ്റോമ വ്യക്തമാക്കി. നെയ്മറിന് ബാഴ്‌സയിലേക്ക് വരാന്‍ താല്‍പര്യമുണ്ട്. എന്നാല്‍ കൊറോണാ ഭീതിയെ തുടര്‍ന്ന് ബാഴ്‌സയില്‍ വന്‍ സാമ്പത്തിക മാന്ദ്യം ഉടലെടുത്തിട്ടുണ്ടെന്നും ഇതിനാല്‍ നെയ്മറുടെ ക്ലബ്ബിലേക്കുള്ള തിരിച്ചുവരവ് ആലോചനയിലാണെന്നും പ്രസിഡന്റ് വ്യക്തമാക്കി.