ഖത്തര്‍ ലോകകപ്പ്; ആരാധകരുടെ പ്രധാന ആകര്‍ഷണം അര്‍ജന്റീനയുടെ മല്‍സരങ്ങള്‍

റിയാദ്: ഖത്തര്‍ ലോകകപ്പിന്റെ പ്രധാന ആകര്‍ഷണം അര്‍ജന്റീനയുടെ മല്‍സരങ്ങളാണെന്ന് ലോകകപ്പ് ചീഫ് ഓര്‍ഗനൈസര്‍. അര്‍ജന്റീനയുടെ രണ്ട് മല്‍സരങ്ങളാണ് ഏറ്റവും ആകര്‍ഷണം. നവംബര്‍ 22ന് സൗദി അറേബ്യയ്‌ക്കെതിരായ മല്‍സരവും ചിരവൈരികളായ മെക്‌സിക്കോയ്‌ക്കെതിരേ നവംബര്‍ 26നുള്ള മല്‍സരത്തിനുമാണ് ഏറ്റവും കൂടുതല്‍ ആവശ്യക്കാര്‍. ഈ രണ്ട് മല്‍സരങ്ങളുടെ ആദ്യ റൗണ്ട് ഓണ്‍ലൈന്‍ ടിക്കറ്റ് വില്‍പ്പന ഈ വര്‍ഷമാദ്യം തന്നെ അവസാനിച്ചിരുന്നു. ഗ്രൂപ്പ് ഘട്ടത്തിലെ അര്‍ജന്റീനയുടെ രണ്ട് മല്‍സരങ്ങളും നടക്കുന്നത് ഫൈനല്‍ നടക്കുന്ന ലുസൈല്‍ സ്റ്റേഡിയത്തിലാണ്. ഇവിടെ 80, 000 പേരെ ഉള്‍ക്കൊള്ളുന്ന സ്റ്റേഡിയമാണ്.അര്‍ജന്റീനാ-മെക്‌സിക്കോ മല്‍സരത്തിനായി അവരവരുടെ രാജ്യങ്ങള്‍ കൂടാതെ ടിക്കറ്റിനായി മുന്നിലുള്ളത് ഖത്തര്‍, അമേരിക്ക, ഇംഗ്ലണ്ട്, സൗദി അറേബ്യ, യുഎഇ, ഫ്രാന്‍സ്, ബ്രസീല്‍, ജര്‍മ്മനി എന്നിവരാണെന്ന് ഖത്തര്‍ ലോകകപ്പ് സംഘാടക സമിതി സിഇഒ നാസര്‍ അല്‍ -ഖാതര്‍ അറിയിച്ചു.