ഐഎസ്എല്: കേരള ബ്ലാസ്റ്റേഴ്സിന്റെ പ്രീ സീസണ് പര്യടനം യുഎഇ യില്;ആദ്യ മല്സരം ആറിന് ഡിബ്ബ ക്ലബ് അല് ഫുജൈറക്കെതിരെ
നാല് ആഴ്ച ദൈര്ഘ്യമുള്ള പ്രീസീസണ് സെപ്റ്റംബര് 4ന് ആരംഭിക്കും. ഈ കാലയളവില് കേരള ബ്ലാസ്റ്റേഴ്സ് എഫ്സി യുഎഇയിലെ പ്രഫഷണല് എ, ബി ഡിവിഷന് ക്ലബ്ബുകള്ക്കെതിരെ നാല് മല്സരങ്ങള് കളിക്കും.സെപ്തംബര് ആറിന് ഡിബ്ബ ക്ലബ് അല് ഫുജൈറ,12 ന് അജ്മാന് സ്പോര്ട്സ് ക്ലബ്,20ന് എമിറേറ്റ്സ് ക്ലബ്, റാസ്അല്ഖൈമ,27ന് അല് നാസര് ക്ലബ്,ദുബായ് എന്നിങ്ങനെയാണ് മല്സരം
കൊച്ചി:ഇന്ത്യന് സൂപ്പര് ലീഗ് (ഐഎസ്എല്)ആറാം സീസണ് മുന്നോടിയായുള്ള കേരള ബ്ലാസ്റ്റേഴ്സിന്റെ പ്രീ സീസണ് പര്യടനം യുണൈറ്റഡ് അറബ്എമിറേറ്റ്സില് നടക്കും. മിച്ചി സ്പോര്ട്സ് ഹാളുമായി സഹകരിച്ചാകും കേരള ബ്ലാസ്റ്റേഴ്സ് തങ്ങളുടെ പ്രീ സീസണ് പര്യടനം ആരംഭിക്കുക.നാല് ആഴ്ച ദൈര്ഘ്യമുള്ള പ്രീസീസണ് സെപ്റ്റംബര് 4ന് ആരംഭിക്കും. ഈ കാലയളവില് കേരള ബ്ലാസ്റ്റേഴ്സ് എഫ്സി യുഎഇയിലെ പ്രഫഷണല് എ, ബി ഡിവിഷന് ക്ലബ്ബുകള്ക്കെതിരെ നാല് മല്സരങ്ങള് കളിക്കും.സെപ്തംബര് ആറിന് ഡിബ്ബ ക്ലബ് അല് ഫുജൈറ,12 ന് അജ്മാന് സ്പോര്ട്സ് ക്ലബ്,20ന് എമിറേറ്റ്സ് ക്ലബ്, റാസ്അല്ഖൈമ,27ന് അല് നാസര് ക്ലബ്,ദുബായ് എന്നിങ്ങനെയാണ് മല്സരം.
യുഎഇക്ക് പ്രീ സീസണില് കളിക്കാന് ചില നല്ല ടീമുകളുണ്ട്. ഇത് കളിക്കാരില് ആത്മവിശ്വാസം വളര്ത്തുവാനും വരാനിരിക്കുന്നഐഎസ്എല് കളികള്കള്ക്കായി അവരെ നന്നായി തയ്യാറാക്കാനും സഹായിക്കുമെന്ന് കേരള ബ്ലാസ്റ്റേഴ്സ് മുഖ്യ പരിശീലകന് ഷട്ടോരി പറഞ്ഞു. യുഎഇയില് കളിക്കുന്നതിലൂടെ സമാനമായ കാലാവസ്ഥയുടെ ഗുണവും ലഭ്യമാകും. മികച്ച ടീം ബില്ഡിംഗ് പ്രവര്ത്തനങ്ങള് സംഘടിപ്പിക്കുന്നതിന് തിയായ വസരങ്ങളുണ്ടെന്നും ഷട്ടോരി പറഞ്ഞു. കേരള ബ്ലാസ്റ്റേഴ്സിന്റെ യുഎഇയിലെ പ്രീ സീസണ് പര്യടനത്തിന് ആതിഥേയത്വം വഹിക്കുക എന്നത് അതിശയകരമാണെന്ന് മിച്ചി സ്പോര്ട്സിലെ സകീര് ഹുസൈന് പറയുന്നു.പ്രീ സീസണില് കേരള ബ്ലാസ്റ്റേഴ്സിനായി ആസൂത്രണം ചെയ്ത മല്സരങ്ങള് യുഎഇയിലെ പ്രേക്ഷകരെയും ആരാധകരെയും ആകര്ഷിക്കുമെന്നും സകീര് ഹുസൈന് പറയുന്നു
RELATED STORIES
മാസപ്പടി കേസ്: വരുംദിവസങ്ങളിൽ കൂടുതൽ പേരെ ചോദ്യം ചെയ്യുമെന്ന് ഇഡി
20 April 2024 6:14 AM GMTവിവാഹാലോചനയിൽ നിന്ന് പിന്മാറി; യുവതിയെ വെട്ടിപ്പരിക്കേൽപിച്ചു
20 April 2024 6:13 AM GMTഎഐ ക്യാമറ വഴി പിഴക്ക് നോട്ടിസയക്കുന്നത് നിര്ത്തി കെല്ട്രോണ്
20 April 2024 6:08 AM GMTകടലിൽ കാണാതായ വിദ്യാർത്ഥിയുടെ മൃതദേഹം കണ്ടെത്തി
20 April 2024 6:06 AM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMT