ലോകകപ്പ് മുനൊരുക്കം; കാനറികള്‍ ഇന്ന് ജപ്പാനില്‍; താരനിരയിറങ്ങും

ടോക്കിയോ: ലോകകപ്പിന് മുന്നോടിയായുള്ള അന്താരാഷ്ട്ര സൗഹൃദമല്‍സരത്തില്‍ ബ്രസീല്‍ ഇന്ന് ജപ്പാനെ നേരിടും. തകര്‍പ്പന്‍ ഫോമിലുള്ള ബ്രസീല്‍ കഴിഞ്ഞ മല്‍സരത്തില്‍ ദക്ഷിണകൊറിയയെ തകര്‍ത്തിരുന്നു. ജപ്പാനാവട്ടെ പരാഗ്വയെ 4-1ന് മറികടന്നാണ് വരുന്നത്. ഇരുടീമും ഒപ്പത്തിനൊപ്പമുള്ള പ്രകടനവുമായി വരുമ്പോള്‍ മല്‍സരം തീപ്പാറും. ബ്രസീലിനായി വന്‍താരനിര തന്നെ ഇറങ്ങും. ലോകകപ്പിന് മുന്നോടിയായി ഓരോ മല്‍സരത്തിലും ടീറ്റെ വ്യത്യസ്ത താരങ്ങളെ പരീക്ഷിക്കുകയാണ്. കഴിഞ്ഞ മല്‍സരത്തില്‍ തിളങ്ങിയ നെയ്മര്‍ ഇന്നും ടീമിനായി ഇറങ്ങും. എന്നാല്‍ വിനീഷ്യസ് ജൂനിയര്‍, കാസിമറോ, റിച്ചാര്‍ലിസണ്‍ എന്നിവരെ ബഞ്ചിലിരുത്തും. ജീസുസ്, പക്വേറ്റ, റൊഡ്രിഗോ, ഗുമാറീസ്, ഫാബിനോ, സാന്‍ഡ്രോ, മിലിറ്റോ, മാര്‍ക്വിനോസ്, ആല്‍വ്‌സ് എന്നിര്‍ ആദ്യ ഇലവനില്‍ സ്ഥാനം പിടിക്കും.

Vem rever os gols da #SeleçãoBrasileira no amistoso contra a Coreia do Sul! ⚽️🇧🇷 pic.twitter.com/YLefiSYUWs

— CBF Futebol (@CBF_Futebol) June 3, 2022