ഫിഫാ വിലക്ക്; ഉസ്‌ബെക്കിസ്ഥാനിലുള്ള ഗോകുലത്തിന് 48 മണിക്കൂര്‍ സമയം അനുവദിച്ചു

ഖ്വാര്‍ഷ: ഉസ്‌ബെക്കിസ്ഥാനിലുള്ള ഗോകുലം കേരളാ ടീമിന് അവിടെ നില്‍ക്കാന്‍ 48 മണിക്കൂര്‍ സമയം അനുവദിച്ചു.കേന്ദ്ര സര്‍ക്കാരിന്റെ ഇടപെടലിനെ തുടര്‍ന്നാണ് നടപടി. എഎഫ്‌സി വ്യുമണ്‍സ് ക്ലബ്ബ് ചാംപ്യന്‍ഷിപ്പില്‍ പങ്കെടുക്കാനാണ് ഇന്ത്യയുടെ പ്രതിനിധികളായി 23 അംഗ ഗോകുലം ടീം ഉസ്‌ബെക്കിസ്ഥാനിലെത്തിയത്. അവിടെ എത്തിയതിന് ശേഷമാണ് ഇന്ത്യന്‍ ഫുട്‌ബോളിനെ ഫിഫ വിലക്കിയത്. തുടര്‍ന്ന് ഏഷ്യന്‍ ഫുട്‌ബോള്‍ കോണ്‍ഫെഡറേഷന്‍ ഗോകുലത്തിന് ടൂര്‍ണ്ണമെന്റില്‍ പങ്കെടുക്കാന്‍ കഴിയില്ലെന്ന് വ്യക്തമാക്കി എഐഎഫ്എഫിന് കത്തയച്ചിരുന്നു. ഇതേ തുടര്‍ന്നാണ് ഗോകുലം എഫ്‌സി വിഷയത്തില്‍ ഇടപെടാന്‍ പ്രധാനമന്ത്രിയോട് ആവശ്യപ്പെടുകയായിരുന്നു.