പ്രീമിയര്‍ ലീഗ്: പാലസിന് തോല്‍വി; വില്‍ഫ്രഡ് സാഹയ്ക്ക് കൊവിഡ്

ലണ്ടന്‍: ഇംഗ്ലിഷ് പ്രീമിയര്‍ ലീഗില്‍ ക്രിസ്റ്റല്‍ പാലസിനെ ഒരുഗോളിന് തോല്‍പ്പിച്ച് ബേണ്‍ലി. ബേണ്‍ലിയുടെ സീസണിലെ ആദ്യജയമാണിത്. എട്ടാം മിനിറ്റില്‍ വുഡാണ് ബേണ്‍ലിയുടെ ആദ്യഗോള്‍ നേടിയത്. ലീഗില്‍ പാലസ് 11ാം സ്ഥാനത്തും ബേണ്‍ലി 17ാം സ്ഥാനത്തുമാണ്. മറ്റൊരു മല്‍സരത്തില്‍ വോള്‍വ്സ് സതാംപ്ടണിനെ 1-1 സമനിലയില്‍ പിടിച്ചു.

ലീഗില്‍ സ്താംപ്ടണ്‍ അഞ്ചാമതും വോള്‍വ്സ് ഒമ്പതാം സ്ഥാനത്തുമാണ്. അതിനിടെ ക്രിസ്റ്റല്‍ പാലസിന്റെ ഐവറികോസ്റ്റ് താരം വില്‍ഫ്രഡ് സാഹയ്ക്ക് കൊവിഡ് -19 സ്ഥിരീകരീച്ചു. കഴിഞ്ഞദിവസം നടന്ന പാലസിന്റെ മല്‍സരത്തിന് തൊട്ടുമുമ്പ് നടത്തിയ പരിശോധനയിലാണ് താരത്തിന് രോഗം സ്ഥിരീകരിച്ചത്.