ലോര്‍ഡ്‌സില്‍ രാഹുലിന് റെക്കോഡ്

ലോര്‍ഡ്‌സ്; ഇന്ത്യന്‍ ഓപ്പണര്‍ കെ എല്‍ രാഹുലിന് ലോര്‍ഡ്‌സില്‍ തകര്‍പ്പന്‍ റെക്കോഡ്. ലോര്‍ഡ്‌സില്‍ ഇന്ത്യക്ക് വേണ്ടി ടെസ്റ്റ് സെഞ്ചുറി നേടുന്ന മൂന്നാമത്തെ താരമെന്ന റെക്കോഡാണ് രാഹുല്‍ നേടിയത്. ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റിന്റെ ആദ്യ ദിനമാണ് രാഹുലിന്റെ സെഞ്ചുറി. 127* റണ്‍സാണ് രാഹുല്‍ നേടിയത്.248 പന്ത് നേരിട്ടാണ് രാഹുല്‍ 127 റണ്‍സ് നേടിയത്. 31 വര്‍ഷത്തിന് ശേഷമാണ് ലോര്‍ഡ്‌സില്‍ ഒരു ഇന്ത്യന്‍ താരം സെഞ്ചുറി നേടുന്നത്. വിനു മങ്കാദ്(1952), രവി ശാസ്ത്രി(1990) എന്നിവരാണ് ഇന്ത്യയ്ക്കായി ലോര്‍ഡ്‌സില്‍ സെഞ്ചുറി നേടിയവര്‍.

ടോസ് നേടിയ ഇംഗ്ലണ്ട് ഇന്ത്യയെ ബാറ്റിങിനയക്കുകയായിരുന്നു. രോഹിത്ത് ശര്‍മ്മ 83 റണ്‍സ് നേടി രാഹുലിന് മികച്ച പിന്തുണ നല്‍കി. പൂജാര ഒമ്പത് റണ്‍സെടുത്ത് പുറത്തായപ്പോള്‍ കോഹ്‌ലി 42 റണ്‍സെടുത്ത് പുറത്തായി. രഹാനെയാണ് രാഹുലിനൊപ്പം ക്രീസില്‍. ആദ്യ ദിനം കളിനിര്‍ത്തുമ്പോള്‍ ഇന്ത്യ മൂന്ന് വിക്കറ്റ് നഷ്ടത്തില്‍ 276 റണ്‍സ് നേടിയിട്ടുണ്ട്.