എഫ് സി പോര്‍ട്ടോയെ തകര്‍ത്ത് ലിവര്‍പൂള്‍ ചാംപ്യന്‍സ് ലീഗ് സെമിയില്‍

പോര്‍ട്ടോ: പോര്‍ച്ചുഗല്‍ ക്ലബ്ബ് പോര്‍ട്ടോയെ 4-1ന് തോല്‍പ്പിച്ച് ഇംഗ്ലിഷ് വമ്പന്‍മാരായ ലിവര്‍പൂള്‍ സെമിയില്‍ പ്രവേശിച്ചു. ആദ്യപാദത്തില്‍ 2-0ത്തിന് മുന്നിട്ട ലിവര്‍പൂള്‍ രണ്ടാം പാദത്തില്‍ തകര്‍പ്പന്‍ പ്രകടനമാണ് കാഴ്ചവച്ചത്. മാനേ(26), മുഹമ്മദ് സലാഹ്(65), റോബര്‍ട്ടോ ഫിര്‍മിനോ(77), വാന്‍ ഡിജക്ക് (84) എന്നിവരാണ് ലിവര്‍പൂളിനായി സ്‌കോര്‍ ചെയ്തത്. പോര്‍ട്ടോയ്ക്കായി മിലിറ്റോ 68ാം മിനിറ്റില്‍ ഒരു ഗോള്‍ നേടി. ഇരുപാദങ്ങളിലുമായി 6-1ന്റെ ജയമാണ് പോര്‍ട്ടോ സ്വന്തമാക്കിയത്. സെമിയില്‍ ബാഴ്‌സലോണയാണ് ലിവര്‍പൂളിന്റെ എതിരാളി. മറ്റൊരു മല്‍സരത്തില്‍ അയാകസ് ടോട്ടന്‍ഹാമിനെ നേരിടും.