സീരി എയില്‍ മിലാന് അറ്റ്‌ലാന്റാ ഷോക്ക്; യുവന്റസ് ഇന്നിറങ്ങും

ടൂറിന്‍: ഇറ്റാലിയന്‍ സീരി എയില്‍ എ സി മിലാന് ഞെട്ടിക്കുന്ന തോല്‍വി. ഒന്നാം സ്ഥാനത്തുള്ള മിലാനെ 3-0ത്തിന് തോല്‍പ്പിച്ചത് നാലാം സ്ഥാനത്തുള്ള അറ്റ്‌ലാന്റയാണ്. ഈ സീസണിലെ മിലാന്റെ രണ്ടാമത്തെ തോല്‍വിയാണിത്. സാന്‍ സിറോയില്‍ നടന്ന മല്‍സരത്തില്‍ മിലാന്‍ പ്രതിരോധത്തെ നിഷ്പ്രഭരാക്കിയാണ് അറ്റ്‌ലാന്റ ആധിപത്യം നേടിയത്.മറ്റൊരു മല്‍സരത്തില്‍ രണ്ടാം സ്ഥാനത്തുള്ള ഇന്റര്‍മിലാനെ 14ാം സ്ഥാനത്തുള്ള ഉഡിനീസ് ഗോള്‍ രഹിത സമനിലയില്‍ തളച്ചു. സ്‌പെസിയയെ മൂന്നാമതുള്ള റോമ 4-3നും തളച്ചു. ക്രോട്ടണെ ഫിയൊറന്റീനാ 2-1നും തോല്‍പ്പിച്ചു.

സീരി എയില്‍ ഇന്ന് അര്‍ദ്ധരാത്രി നടക്കുന്ന മല്‍സരത്തില്‍ ആറാമതുള്ള യുവന്റസ് 13ാം സ്ഥാനത്തുള്ള ബോള്‍ഗാനയെ നേരിടുമ്പോള്‍ ഹെല്ലാസ് വെറോണ അഞ്ചാം സ്ഥാനത്തുള്ള നപ്പോളിയെ നേരിടും.