ലോകകപ്പ് യോഗ്യതയ്ക്ക് ഇന്ന് അവസാനം;ഹോളണ്ടിനും തുര്ക്കിക്കും നിര്ണ്ണായകം
ഹോളണ്ട് തോല്ക്കുന്ന പക്ഷം അവര്ക്ക് പ്ലേ ഓഫ് കളിച്ച് വേണം ഖത്തറിലെത്താന്
ഗ്രൂപ്പ് ഡിയില് ഫ്രാന്സ് നേരത്തെ യോഗ്യത ഉറപ്പിച്ചതാണ്. ഫ്രാന്സിന്റെ ഇന്നത്തെ എതിരാളി ഫിന്ലാന്റാണ്. ഗ്രൂപ്പിലെ രണ്ടാം സ്ഥാനക്കാരായ ഫിന്ലാന്റ് ഫ്രാന്സിനെ വീഴ്ത്തി പ്ലേ ഓഫ് യോഗ്യതയ്ക്കായാണ് ഇന്ന് ഇറങ്ങുന്നത്. ഇതേ ഗ്രൂപ്പിലെ മറ്റൊരു മല്സരത്തില് ഉക്രെയ്ന് ബോസ്നിയയെ നേരിടും. ഉക്രെയ്നും പ്ലേ ഓഫ് ലക്ഷ്യമിട്ടാണ് ഇറങ്ങുന്നത്.
ഗ്രൂപ്പ് ഇയില് നിന്ന് ബെല്ജിയം നേരത്തെ യോഗ്യത നേടിയിട്ടുണ്ട്. ബെല്ജിയത്തിന്റെ ഇന്നത്തെ എതിരാളി വെയ്ല്സാണ്. ബെല്ജിയത്തെ അട്ടിമറിച്ച് പ്ലേ ഓഫ് തന്നെയാണ് വെയ്ല്സിന്റെയും ലക്ഷ്യം.ഇതേ ഗ്രൂപ്പിലെ മറ്റൊരു മല്സരത്തില് ചെക്ക് റിപ്പബ്ലിക്ക് എസ്റ്റോണിയയുമായി ഏറ്റുമുട്ടും. ചെക്കിനും ലക്ഷ്യം പ്ലേ ഓഫ് ആണ്. എല്ലാ മല്സരങ്ങളും നാളെ പുലര്ച്ചെ 1.15ന് നടക്കും. ഇന്നത്തെ മല്സരങ്ങള് അവസാനിക്കുന്നതോടെ യോഗ്യതയ്ക്കായി പ്ലേ ഓഫ് കളിക്കേണ്ട ടീമുകളുടെ കാര്യത്തില് തീരുമാനമാവും. ഈ മാസം 26നാണ് പ്ലേ ഓഫ് ഡ്രോ നടക്കുന്നത്.
