ധോണിയുടെ വിരമിക്കല്‍: ഹൃദയത്തിന്റെയും കൂപ്പുകൈയുടെയും ഇമോജിയുമായി സാക്ഷിയുടെ പ്രതികരണം

റാഞ്ചി: ഇന്നലെയാണ് മഹേന്ദ്ര സിംഗ് ധോണി അന്താരാഷ്ട്ര ക്രിക്കറ്റില്‍ നിന്ന് വിരമിച്ചത്. ഈ വര്‍ഷം ദുബായിയില്‍ നടക്കുന്ന ഐപിഎല്ലിന് ഒരുങ്ങുന്നതിനിടെയായിരുന്നു ആരാധകരെ ഞെട്ടിച്ച് ധോണിയുടെ അപ്രതീക്ഷിത വിരമിക്കല്‍ പ്രഖ്യാപനം. സച്ചിന്‍ ടെണ്ടുല്‍ക്കര്‍ നിരവധി പേരാണ് ധോണിക്ക് ആശംസകള്‍ നേര്‍ന്നത്.

എംഎസ് ധോണിയുടെ ഭാര്യ സാക്ഷി സിംഗും ധോണിയുടെ വിരമിക്കല്‍ തീരുമാനത്തില്‍ പ്രതികരണവുമായെത്തി. വിരമിക്കല്‍ പ്രഖ്യാപിച്ചുകൊണ്ടുള്ള ധോണിയുടെ ഇന്‍സ്റ്റഗ്രാം പോസ്റ്റിന് താഴെയാണ് സാക്ഷി പ്രതികരണവുമായെത്തിയത്. ഹൃദയത്തിന്റെയും കൂപ്പുകൈയുടെയും ഇമോജി മാത്രമായിരുന്നു സാക്ഷിയുടെ പ്രതികരണം. മണിക്കൂറുകള്‍ക്കകം ആയിരങ്ങളാണ് സാക്ഷിയുടെ കമന്റിന് ലൈക്ക് ചെയ്തത്.