15.25 കോടി; മെഗാ ലേലത്തില്‍ താരമായി ഇഷാന്‍ കിഷന്‍

ബെംഗളൂരു: ഐപിഎല്‍ മെഗാ ലേലത്തില്‍ 15.25 കോടിക്ക് ഇഷാന്‍ കിഷനെ സ്വന്തമാക്കി മുംബൈ ഇന്ത്യന്‍സ്. കഴിഞ്ഞ തവണ മുംബൈ ഇന്ത്യന്‍സ് റിലീസ് ചെയ്ത് സൂപ്പര്‍ താരമാണ് നിലവില്‍ ലേലത്തിലെ വിലപ്പിടിപ്പുള്ള താരം. രണ്ട് കോടി അടിസ്ഥാന വിലയായിരുന്നു താരത്തിന്. ലേലം തുടങ്ങിയപ്പോള്‍ മുതല്‍ സണ്‍റൈസേഴ്‌സും മുംബൈയുമായിരുന്നു ഇഷാനായി വലവിരിച്ചത്. ലേലത്തില്‍ മുംബൈ ഇന്ത്യന്‍സിന്റെ പ്രഥമ പരിഗണന ഇഷാനായിരുന്നു. മുംബൈ 15 കോടി വിളിച്ചതോടെ ഹൈദരാബാദ് പിന്‍മാറുകയായിരുന്നു.

ലേലത്തില്‍ കൂടുതല്‍ തുക ലഭിക്കുമെന്ന പ്രതീക്ഷിച്ച ശ്രേയസ് അയ്യരെ 12 കോടിക്ക് കൊല്‍ക്കത്താ നൈറ്റ് റൈഡേഴ്‌സ് സ്വന്തമാക്കുകയായിരുന്നു.