ഞാനൊരു സെലക്ടറാണെങ്കില്‍ ഡികെയെ ലോകകപ്പ് ടീമിലുള്‍പ്പെടുത്തും: ഗവാസ്‌കര്‍

മുംബൈ: ഐപിഎല്ലില്‍ ഈ സീസണില്‍ റോയല്‍ ചാലഞ്ചേഴ്‌സ് ബാംഗ്ലൂരിന് വേണ്ടി തകര്‍പ്പന്‍ പ്രകടനം നടത്തുന്ന താരമാണ് ദിനേശ് കാര്‍ത്തിക്ക്. ദീര്‍ഘകാലമായി ദിനേശ് കാര്‍ത്തിക്ക് ഇന്ത്യന്‍ ടീമിന് പുറത്താണ്. നിലവില്‍ കമന്റേറ്ററുടെ റോളിലാണ് കാര്‍ത്തിക്ക്. ദിനേശ് കാര്‍ത്തിക്ക് എന്ന ഡികെയുടെ തിരിച്ചുവരവാണ് ഈ ഐപിഎല്ലിലെ എടുത്തപറയത്തക്ക നേട്ടം. ഇപ്പോള്‍ താരത്തിന് പിന്‍തുണയുമായി വന്നിരിക്കുകയാണ് മുന്‍ ഇന്ത്യന്‍ ക്യാപ്റ്റന്‍ സുനില്‍ ഗവാസ്‌കര്‍. ഞാന്‍ ടീം സെലക്ടറാണെങ്കില്‍ അടുത്ത ലോകകപ്പിനായി ദിനേശ് കാര്‍ത്തിക്കിനെ ടീമിലുള്‍പ്പെടുത്തുമെന്നാണ് ഗവാസ്‌കര്‍ അറിയിച്ചത്. ഫോമാണ് പ്രധാനം. അതില്‍ ഡികെ വിജയിച്ചു-ഗവാസ്‌കര്‍ ചൂണ്ടികാണിച്ചു.ലോകകപ്പ് ടീമില്‍ കളിക്കാന്‍ മോഹമുണ്ടെന്ന് ഡികെ അടുത്തിടെ വ്യക്തമാക്കിയിരുന്നു.