2021 ലെ അഭിമാന നിമിഷം: ലോകകപ്പില്‍ ഇന്ത്യയെ പരാജയപ്പെടുത്തിയത്: ബാബര്‍ അസം

കറാച്ചി: 2021ലെ പാകിസ്താന്‍ ക്രിക്കറ്റിന്റെ അഭിമാന നിമിഷമേതെന്ന ചോദ്യത്തിന് പാക് ക്യാപ്റ്റന്റെ തകര്‍പ്പന്‍ മറുപടി. 2021 ട്വന്റി -20 ലോകകപ്പില്‍ ഇന്ത്യയെ പരാജയപ്പെടുത്തിയതാണ് തന്റെയും പാക് ക്രിക്കറ്റിന്റെയും അഭിമാന നിമിഷമെന്ന് ക്യാപ്റ്റന്‍ ബാബര്‍ അസം വ്യക്തമാക്കി. ലോകകപ്പിലെ ഇന്ത്യയ്‌ക്കെതിരേയുള്ള ആദ്യ ജയമായിരുന്നു.പാകിസ്താന്റെ ഈ ജയം തന്നെയാണ് 2021ലെ ഏറ്റവും വലിയ നേട്ടമെന്ന് താരം പറയുന്നു. ട്വന്റി ലോകകപ്പിലെ ടീമിന്റെ പ്രകടനം അവരുടെ ആത്മവിശ്വാസം ഉയര്‍ത്തി.തുടര്‍ന്നുള്ള പരമ്പരകളിലെല്ലാം ടീമിന് മികച്ച പ്രകടനം നടത്താനായെന്നും ബാബര്‍ ചൂണ്ടികാട്ടി.