കുവൈത്തിൽ കൊവിഡ് ബാധിച്ച് 3 പേർ മരിച്ചു

കുവൈത്ത്‌ സിറ്റി: കുവൈത്തിൽ കൊറോണ വൈറസ്‌ രോഗത്തെ തുടർന്നു ഇന്നു 3 പേർ കൂടി മരണമടഞ്ഞു .ഇതോടെ രാജ്യത്ത്‌ കൊറോണ വൈറസ്‌ ബാധയെ തുടർന്ന് മരണമടഞ്ഞവരുടെ എണ്ണം 782 ആയി. 608 പേർക്കാണ് ഇന്ന് രോഗം സ്ഥിരീകരിച്ചത് . ഇതടക്കം ഇന്ന് വരെ ആകെ കൊറോണ വൈറസ്‌ ബാധയേറ്റവരുടെ എണ്ണം ഒന്നേ കാൽ ലക്ഷം കവിഞ്ഞു 126534 ആയി.

696പേർ ഇന്ന് രോഗ മുക്തരായി ഇതോടെ ആകെ രോഗം സുഖമായവരുടെ എണ്ണം ഒരു ലക്ഷം കടന്നു 117558 ആയി. ആകെ 8194 പേരാണു ഇപ്പോൾ ചികിൽസയിൽ കഴിയുന്നത്‌. തീവ്രപരിചരണത്തിൽ കഴിയുന്നവരുടെ എണ്ണം 109 ആയി. കഴിഞ്ഞ 24 മണിക്കൂറിനിടയിൽ 4753 പേരിൽ കൊറോണ വൈറസ്‌ പരിശോധന നടത്തി. ഇതോടെ ആകെ പരിശോധന നടത്തിയവരുടെ എണ്ണം 921278 ആയി.