നവകേരള സർവേ: സർക്കാർ തടസ്സ ഹർജിയുമായി സുപ്രിംകോടതിയിൽ

ന്യൂഡൽഹി : നവകേരള സർവേ റദ്ദാക്കിയ ഹൈക്കോടതി ഉത്തരവിനെതിരേ സർക്കാർ സുപ്രിംകോടതയിൽ തടസ്സ ഹരജി നൽകി. സുപ്രിം കോടതിയിൽ സർക്കാർ അപ്പീൽ നൽകിയിരുന്നു . ഇതിനു പിന്നാലെയാണ് നീക്കം. ഹൈക്കോടതി വിധി സ്റ്റേ ചെയ്യുന്നതിന് മുൻപ് തങ്ങളുടെ ഭാഗം കൂടി കേൾക്കണമെന്ന് ആവശ്യപ്പെട്ട് കെഎസ്യു സംസ്ഥാന പ്രസിഡന്റ് അലോഷ്യസ് സേവ്യർ, ജനറൽ സെക്രട്ടറി മുബാസ് എന്നിവരാണ് സുപ്രിംകോടതിയെ സമീപിച്ചത്.

സർവേ റദ്ദാക്കിയ ഹൈക്കോടതി നടപടി സർക്കാരിന്റെ നയപരമായ തീരുമാനത്തിലുള്ള ഇടപെടലാണെന്ന് ചൂണ്ടിക്കാട്ടിയാണ് സംസ്ഥാന സർക്കാർ അതിവേഗം സുപ്രിംകോടതിയിൽ അപ്പീൽ നൽകിയത്.

ക്യാബിനറ്റിന് ഇത്തരം തീരുമാനങ്ങൾ എടുക്കാൻ അധികാരമുണ്ടെന്നും ഹൈക്കോടതി വിധിയിൽ പൊരുത്തക്കേടുകൾ ഉണ്ടെന്നും സർക്കാർ വാദിക്കുന്നു.

എന്നാൽ, പൊതുഖജനാവിലെ പണം ഉപയോഗിച്ച് രാഷ്ട്രീയ പ്രചാരണം നടത്താനാണ് സർക്കാർ ശ്രമിക്കുന്നതെന്ന തങ്ങളുടെ വാദം കൂടി പരിഗണിച്ചേ തീരുമാനമെടുക്കാവൂ എന്ന് ഹരജിക്കാർ കോടതിയിൽ ആവശ്യപ്പെട്ടു.