കുവൈത്തില് ഇന്ത്യന് സ്ഥാനപതിയായി മലയാളിയായ സിബി ജോര്ജ്
ഇന്ത്യന് ഫോറിന് സര്വീസ് 1993 ബാച്ച് ഉദ്യോഗസ്ഥനാണ് കോട്ടയം പാലാ സ്വദേശിയായ സിബി ജോര്ജ്. പൊളിറ്റിക്കല് ഓഫിസറായി ഈജിപ്തിലായിരുന്നു ആദ്യനിയമനം.
![കുവൈത്തില് ഇന്ത്യന് സ്ഥാനപതിയായി മലയാളിയായ സിബി ജോര്ജ് കുവൈത്തില് ഇന്ത്യന് സ്ഥാനപതിയായി മലയാളിയായ സിബി ജോര്ജ്](https://www.thejasnews.com/h-upload/2020/06/01/109782-india-ambasa.jpg)
കുവൈത്ത് സിറ്റി: കുവൈത്തിലെ പുതിയ ഇന്ത്യന് സ്ഥാനപതിയായി മലയാളിയായ ഐഎഫ്എസ് ഉദ്യോഗസ്ഥന് സിബി ജോര്ജ് നിയമിതനായി. ഇതുസംബന്ധിച്ച് വിദേശകാര്യമന്ത്രാലയമാണു വാര്ത്താക്കുറിപ്പ് പുറപ്പെടുവിച്ചത്. ഇന്ത്യന് സ്ഥാനപതിയായിരുന്ന കെ ജീവസാഗര് കഴിഞ്ഞയാഴ്ച വിരമിച്ച ഒഴിവിലേക്കാണ് നിയമനം. ഇന്ത്യന് ഫോറിന് സര്വീസ് 1993 ബാച്ച് ഉദ്യോഗസ്ഥനാണ് കോട്ടയം പാലാ സ്വദേശിയായ സിബി ജോര്ജ്. പൊളിറ്റിക്കല് ഓഫിസറായി ഈജിപ്തിലായിരുന്നു ആദ്യനിയമനം.
തുടര്ന്ന് ഖത്തറില് ഫസ്റ്റ് സെക്രട്ടറിയായും പാകിസ്താനിലെ ഇന്ത്യന് ഹൈക്കമ്മീഷനില് പൊളിറ്റിക്കല് കൗണ്സിലറായും തുടര്ന്ന് അമേരിക്കയില് പൊളിറ്റിക്കല് കൗണ്സിലറും കൊമേഴ്സ്യല് കൗണ്സിലറായും സേവനം അനുഷ്ടിച്ചു. സൗദി അറേബ്യയിലും, ഇറാനിലും ഡെപ്യൂട്ടി ചീഫ് ഓഫ് മിഷന് ചുമതലയും കൈകാര്യം ചെയ്തിരുന്നു.
ഡല്ഹിയില് വിദേശകാര്യമന്ത്രാലയ ആസ്ഥാനത്ത് ഈസ്റ്റ്-ഏഷ്യാ ഡിവിഷനിലും ഇന്ത്യോ-ആഫ്രികാ ഫോറം സമ്മിറ്റിന്റെ കോ-ഓഡിനേറ്ററുമായിരുന്നു. അറബി ഭാഷയിലും പ്രാവീണ്യം നേടിയിട്ടുള്ള സിബി ജോര്ജ് ഐഎഫ്എസില് മികച്ച സേവനത്തിനുള്ള എസ് കെ സിങ് അവാര്ഡ് ഫോര് എക്സലന്സിന് 2014ല് അര്ഹനായിരുന്നു.
കോട്ടയം പാലാ പൊടിമറ്റം കുടുംബാംഗമായ ഇദ്ദേഹത്തിന്റെ ഭാര്യ ജോയ്സ് ജോണ്. രണ്ട് പെണ്മക്കളും ഒരു മകനുമുണ്ട്. 2017 നവംബര് മുതല് സ്വിറ്റ്സര്ലാന്ഡിലെ സ്ഥാനപതിയാണ്. ഇതോടെ കുവൈത്തിലെത്തുന്ന രണ്ടാമത്തെ മലയാളി ഇന്ത്യന് സ്ഥാനപതിയാണ് സിബി ജോര്ജ്. പ്രമുഖ എഴുത്തുകാരന് കലിക മോഹന് എന്നറിയപ്പെടുന്ന ബി എം സി നായരാണ് ആദ്യമായി കുവൈത്തിലെത്തിയ മലയാളി ഇന്ത്യന് സ്ഥാനപതി.
RELATED STORIES
കലാപാഹ്വാനക്കേസ് നിലനില്ക്കില്ലെന്ന് കോടതി; പോപുലര് ഫ്രണ്ട് മുന്...
26 July 2024 2:41 PM GMTരാമനഗര ജില്ല ഇനി ബെംഗളൂരു സൗത്ത്; കര്ണാടകയിലും പേരുമാറ്റം
26 July 2024 1:07 PM GMTരാഷ്ട്രപതി ഭവനിലും പേരുമാറ്റം; ദര്ബാര് ഹാള് ഇനി 'ഗണതന്ത്ര മണ്ഡപം'
25 July 2024 11:17 AM GMTഅര്ജുന്റെ ലോറിയിലെ തടി 8 കിലോമീറ്റര് അകലെ നിന്നു കണ്ടെത്തി; പിഎ 1...
25 July 2024 9:23 AM GMTസത്യസരണിയിലേക്കുള്ള സംഘപരിവാര് മാര്ച്ച് തടഞ്ഞെന്ന കേസ്: മുഴുവന്...
23 July 2024 11:07 AM GMTമൂന്നാംമോദി സര്ക്കാരിന്റെ ആദ്യ ബജറ്റ് ധനമന്ത്രി നിര്മലാ സീതാരാമന്...
23 July 2024 6:10 AM GMT