കുവൈത്തില്‍ മലയാളി നഴ്‌സ് നിര്യാതയായി

കുവൈത്ത് സിറ്റി: കുവൈത്തില്‍ മലയാളി നഴ്‌സ് നിര്യാതയായി. പത്തനംതിട്ട റാന്നി പഴവങ്ങാടി പുതുശ്ശേരി മേപുറത്ത് വീട്ടില്‍ എബ്രഹാം വര്‍ഗീസിന്റെ ഭാര്യ മറിയാമ്മ ഉമ്മന്‍ (50) ആണ് ഇന്ന് കുവൈത്ത് കാന്‍സര്‍ സെന്ററില്‍ മരണപ്പെട്ടത്. കഴിഞ്ഞ കുറച്ചുനാളുകളിലായി ഇവിടെ ചികില്‍സയില്‍ കഴിയുകയായിരുന്നു ഇവര്‍.

സബാഹ് ശിശുരോഗ വിഭാഗം ആശുപത്രിയില്‍ സ്റ്റാഫ് നഴ്‌സ് ആയിരുന്നു. മൃതദേഹം നാട്ടില്‍ കൊണ്ടുപോവുന്നതിനുള്ള ക്രമീകരണങ്ങള്‍ നടന്നുവരുന്നു. മക്കള്‍: അലന്‍, ആന്‍ഡ്രിയ (ഇന്ത്യന്‍ സെന്‍ട്രല്‍ സ്‌കൂള്‍ വിദ്യാര്‍ഥികളാണ്).