കുവൈത്തില്‍ 7000 കിലോ കേടായ മത്സ്യം പിടിച്ചെടുത്ത് നശിപ്പിച്ചു

കുവൈത്ത്: കുവൈത്തില്‍ 7000 കിലോ കേടായ മത്സ്യം പിടിച്ചെടുത്ത് നശിപ്പിച്ചു. ഇറാനില്‍ നിന്നും എയര്‍കാര്‍ഗോ വഴി എത്തിച്ച മത്സ്യം കുവൈത്ത് വിമാനത്താവളത്തില്‍ നിന്നുമാണ് പിടിച്ചെടുത്തത്. രൂക്ഷഗന്ധവും നിറവ്യത്യാസവും ശ്രദ്ധയില്‍ പെട്ടതിനെ തുടര്‍ന്ന് പരിശോധനയ്ക്ക് വിധേയമാക്കി. കേടായ മത്സ്യമാണെന്ന് വ്യക്തമായതിനെ തുടര്‍ന്ന് നശിപ്പിച്ചു കളഞ്ഞു. കാര്‍ഗോയില്‍ വിവിധ ഇനം മത്സ്യങ്ങളുണ്ടായിരുന്നുവെന്ന് പരിശോധനയില്‍ കണ്ടെത്തി.