സൗദിയിലേക്ക് നേരിട്ട് വിമാനസര്‍വീസ് നവംബറില്‍; സര്‍വീസ് ഇളവ് അനുവദിച്ച വിഭാഗങ്ങള്‍ക്ക് വേണ്ടി

ദമ്മാം: സൗദി എയര്‍ലൈന്‍സ് അടുത്തമാസം മുതല്‍ കൊച്ചിയില്‍നിന്നും മുംബൈയില്‍നിന്നും നേരിട്ട് സര്‍വീസ് നടത്തുന്നു. കൊവിഡ് 19 പശ്ചാത്തലത്തില്‍ സൗദി സര്‍ക്കാര്‍ പ്രഖ്യാപിച്ച ഇളവുകാര്‍ക്ക് വേണ്ടിയാണ് സര്‍വീസുകള്‍ നടത്തുന്നത്. ആരോഗ്യജീവനക്കാര്‍, പുറംരാജ്യങ്ങളില്‍ കുടുങ്ങിപ്പോയ സൗദി പൗരന്‍മാര്‍ തുടങ്ങി വിവിധ വിഭാഗക്കാരാണിവര്‍.

അമേരിക്ക, യൂറോപ്പ്, ആഫ്രിക്കന്‍ രാജ്യങ്ങള്‍, ഗള്‍ഫ് രാജ്യങ്ങള്‍, ഏഷ്യന്‍ രാജ്യങ്ങള്‍ എന്നിവിടങ്ങളിലേയ്ക്ക് 33 സര്‍വീസുകളാണ് അടുത്തമാസം നടത്തുക. കൊച്ചി, മുംബൈ, ഡല്‍ഹി തുടങ്ങിയ സ്ഥലങ്ങളില്‍നിന്നുമാണ് അടുത്തമാസം സൗദിയ്യ സര്‍വീസ് നടത്തുക. നാട്ടില്‍ കുടുങ്ങിയ ഡോക്ടര്‍മാര്‍, നഴ്‌സുമാര്‍ തുടങ്ങിയ ആരോഗ്യമേഖലയില്‍ പ്രവര്‍ത്തിക്കുന്നവര്‍ക്ക് ഈ സര്‍വീസ് പ്രയോജനപ്പെടും.