കൊവിഡ്: കുവൈത്തില്‍ രണ്ടുമരണം കൂടി; 587 പേര്‍ക്ക് ഇന്ന് വൈറസ് ബാധ

കുവൈത്ത് സിറ്റി: കുവൈത്തില്‍ വൈറസ് ബാധയെത്തുടര്‍ന്നു ഇന്ന് രണ്ടുപേര്‍ കൂടി മരിച്ചു. ഇതോടെ രാജ്യത്ത് വൈറസ് ബാധയെത്തുടര്‍ന്ന് മരണമടഞ്ഞവരുടെ എണ്ണം 607 ആയി. 587 പേര്‍ക്കാണ് ഇന്ന് രോഗം സ്ഥിരീകരിച്ചത്. ഇതടക്കം ഇന്നുവരെ ആകെ വൈറസ് ബാധയേറ്റവരുടെ എണ്ണം ഒരുലക്ഷം കവിഞ്ഞു- 1,04,568. രോഗബാധിതരുടെ ആരോഗ്യമേഖല തിരിച്ചുള്ള കണക്ക് ഇപ്രകാരമാണ്.

ഹവല്ലി- 134, അഹമ്മദി- 146, ഫര്‍വാനിയ- 99, കേപിറ്റല്‍- 95, ജഹ്‌റ- 113. ഇന്ന് 538 പേരാണു രോഗമുക്തരായത്. ആകെ രോഗം സുഖമായവരുടെ എണ്ണം 96,049 ആയി. ആകെ 7,912 പേരാണു ഇപ്പോള്‍ ചികില്‍സയില്‍ കഴിയുന്നത്. തീവ്രപരിചരണത്തില്‍ കഴിയുന്നവരുടെ എണ്ണം വീണ്ടും വര്‍ധിച്ചു- 127 പേരാണ് ഗുരുതരാവസ്ഥയിലുള്ളത്. കഴിഞ്ഞ 24 മണിക്കൂറിനിടയില്‍ 4,014 പേര്‍ക്കാണു വൈറസ് പരിശോധന നടത്തിയത്. ഇതോടെ ആകെ പരിശോധന നടത്തിയവരുടെ എണ്ണം 7,42,797 ആയി.