കൊവിഡ്: കുവൈത്തില്‍ ഇന്ന് മൂന്നു മരണം; 698 പേര്‍ക്ക് രോഗബാധ

കുവൈത്ത് സിറ്റി: കൊവിഡ് ബാധിച്ച് കുവൈത്തില്‍ ഇന്ന് മൂന്നുപേര്‍ മരിച്ചു. ഇതോടെ രാജ്യത്ത് കൊറോണ വൈറസ് ബാധയെ തുടര്‍ന്ന് മരണമടഞ്ഞവരുടെ എണ്ണം 571 ആയി. 698 പേര്‍ക്കാണ് ഇന്ന് രോഗം സ്ഥിരീകരിച്ചത്. ഇതുള്‍പ്പെടെ ഇന്നുവരെ ആകെ കൊറോണ വൈറസ് ബാധിതരുടെ എണ്ണം 96999 ആയി. ഇന്ന് രോഗ ബാധ റിപോര്‍ട്ട് ചെയ്യപ്പെട്ടവരുടെ ആരോഗ്യ മേഖല തിരിച്ചുള്ള കണക്ക്: അഹമ്മദി 171, ജഹ്റ 84, ഫര്‍വാനിയ 138, ഹവല്ലി 168, കാപിറ്റല്‍ 137. ഇന്ന് 968 പേരാണ് രോഗ മുക്തരായത്. ഇതോടെ ആകെ രോഗം സുഖമായവരുടെ എണ്ണം 87187 ആയി. ആകെ 9241 പേരാണ് ഇപ്പോള്‍ ചികില്‍സയില്‍ കഴിയുന്നത്. തീവ്ര പരിചരണത്തില്‍ കഴിയുന്നവരുടെ എണ്ണം നൂറില്‍ താഴെയായി കുറഞ്ഞു-93. കഴിഞ്ഞ 24 മണിക്കൂറിനിടെ 5384 പേര്‍ക്കാണ് കൊറോണ പരിശോധന നടത്തിയത്. ഇതോടെ ആകെ പരിശോധന നടത്തിയവരുടെ എണ്ണം 689688 ആയി.

Covid: Three dead in Kuwait today; 698 people were infected