കോട്ടയത്ത് കഞ്ചാവുമായി രണ്ടുപേര്‍ പിടിയില്‍

കോട്ടയം: നിരവധി ക്രിമിനല്‍ കേസുകളില്‍ പ്രതികളായ രണ്ടുപേര്‍ കഞ്ചാവുമായി പോലിസിന്റെ പിടിയിലായി. ഏറ്റുമാനൂര്‍ മംഗളം കോളജ് കിഴക്കുംകര പുന്നവേലിത്തടത്തില്‍ വീട്ടില്‍ ജോമോന്‍ മാത്യു (പൊട്ടാസ് ജോമോന്‍- 29), ഏറ്റുമാനൂര്‍ മന്നാകുളം കിഴക്കുംഭാഗം കരയില്‍ കമ്പനിമലയില്‍ വീട്ടില്‍ ആര്‍ അനില്‍കുമാര്‍ (പള്‍സര്‍ കണ്ണന്‍-27) എന്നിവരാണ് അറസ്റ്റിലായത്. ഏറ്റുമാനൂര്‍ മന്നാകുളത്തുവച്ച് രണ്ടുകിലോ കഞ്ചാവുമായി ഏറ്റുമാനൂര്‍ പോലിസാണ് ഇവരെ പിടികൂടിയത്.ഏറ്റുമാനൂര്‍ എസ്എച്ച്ഒ എ ജെ തോമസ്, എസ്‌ഐ കെ ആര്‍ പ്രശാന്ത്കുമാര്‍, ഡെന്‍സാഫ് അംഗങ്ങളായ എഎസ്‌ഐ നൗഷാദ്, പി വി മനോജ്, കെഎം ജീമോന്‍, കെ ഐ നവാസ്, ഏറ്റുമാനൂര്‍ പോലിസ് സ്റ്റേഷനിലെ എഎസ്‌ഐ അശോകന്‍, സീനിയര്‍ സിപിഒ സാജുലാല്‍, ജേക്കബ് പി ജോയ്, എച്ച് പ്രമോദ്, മഹേഷ് കൃഷ്ണന്‍, വനിതാ സിപിഒ ബിന്ദു എന്നിവര്‍ ചേര്‍ന്നാണ് അറസ്റ്റുചെയ്തത്. പ്രതികളെ ഏറ്റുമാനൂര്‍ കോടതിയില്‍ ഹാജരാക്കി.