ട്വന്റി-20 വന്‍ തോല്‍വിയിലേക്ക്; കൊച്ചിയില്‍ ഭരിക്കുന്ന മൂന്നിടത്ത് ഭരണം നഷ്ടമായി

കൊച്ചി: നാടിന്റെ വികസനവും നാട്ടുകാരുടെ ക്ഷേമവും വാഗ്ദാനങ്ങളില്‍ മാത്രംമൊതുക്കിയ ട്വന്റി-20യുടെ യഥാര്‍ഥമുഖം തിരിച്ചറിഞ്ഞ് വോട്ടര്‍മാര്‍. കൊച്ചിയില്‍ ട്വന്റി-20 ഭരിക്കുന്ന നാല് പഞ്ചായത്തുകളില്‍ മൂന്നിടത്തും ഭരണം നഷ്ടമായി. കുന്നത്തുനാട്, കിഴക്കമ്പലം, മഴുവന്നൂര്‍ പഞ്ചായത്തുകളില്‍ ട്വന്റി-20 നാമമാത്രമായ സീറ്റുകളിലേക്ക് ഒതുങ്ങി.

കുന്നത്തുനാട് പഞ്ചായത്തില്‍ 17 സീറ്റുകളില്‍ യുഡിഎഫ് ലീഡ് ചെയ്യുമ്പോള്‍ ട്വന്റി-20 ഏഴ് സീറ്റുകളിലേക്ക് ഒതുങ്ങി. മഴുവന്നൂര്‍ പഞ്ചായത്തില്‍ ഏഴ് സീറ്റുകളില്‍ യുഡിഎഫ് മുന്നേറിയപ്പോള്‍ മൂന്ന് സീറ്റുകളില്‍ മാത്രമാണ് ട്വന്റി-20 ലീഡ് ചെയ്യുന്നത്. ട്വന്റി-20യുടെ ആസ്ഥാനമായ കിഴമ്പലത്തും കനത്ത തിരിച്ചടിയാണ് നേരിട്ടത്. ഐക്കരനാട് മാത്രമാണ് ട്വന്റി-20 ലീഡ് നിലനിര്‍ത്തിയത്. ഐക്കരനാട് പഞ്ചായത്തില്‍ 10 വാര്‍ഡുകള്‍ ഉറപ്പിച്ചു കഴിഞ്ഞു.