അഞ്ചരവര്ഷമായി വെന്റിലേറ്ററില് കഴിഞ്ഞ ഏഴുവയസ്സുകാരന് മരിച്ചു
വടക്കാഞ്ചേരി മുള്ളൂര്ക്കര മന്ദലാംകുന്ന് കൊല്ലമാക്കല് ശിവദാസ്-സവിത ദമ്പതികളുടെ മകന് അദ്രിദാസ് എന്ന സച്ചുവാണ് ചൊവ്വാഴ്ച രാവിലെ മരണത്തിന് കീഴടങ്ങിയത്
തൃശൂര്: അഞ്ചരവര്ഷമായി തൃശൂര് ഗവ. മെഡിക്കല് കോളജിലെ വെന്റിലേറ്ററില് കഴിയുകയായിരുന്ന ഏഴു വയസ്സുകാരന് മരിച്ചു. വടക്കാഞ്ചേരി മുള്ളൂര്ക്കര മന്ദലാംകുന്ന് കൊല്ലമാക്കല് ശിവദാസ്-സവിത ദമ്പതികളുടെ മകന് അദ്രിദാസ് എന്ന സച്ചുവാണ് ചൊവ്വാഴ്ച രാവിലെ മരണത്തിന് കീഴടങ്ങിയത്. മസ്തിഷ്കജ്വരത്തിന് സമാനമായ ബ്രെയിന് സ്റ്റെം ഡിമൈലിനേഷന് എന്ന അസുഖംമൂലമാണ് കഴിഞ്ഞ അഞ്ചരവര്ഷമായി അദ്രിദാസ് ചികില്സയില് കഴിഞ്ഞിരുന്നത്. കണ്ണുകള് മാത്രം അനങ്ങുന്ന അവസ്ഥയിലായിരുന്നു. 2013 ഡിസംബറിലാണ് സച്ചുമോന്റെ ശരീരം നീലനിറമായി മാറുകയും തണുത്തുവിളറി വെളുത്തതായും ശ്രദ്ധയില്പെട്ടത്. ആശുപത്രിയിലെത്തിച്ചപ്പോള് തൃശൂര് ഗവ. മെഡിക്കല് കോളജില്നിന്ന് വിദഗ്ധപരിശോധനയ്ക്കു തിരുവനന്തപുരം ശ്രീചിത്രയിലേക്ക് മാറ്റി. ഇവിടെ നിന്നാണ് തലച്ചോറിലെ നീര്ക്കെട്ടാണ് രോഗകാരണമെന്ന് തിരിച്ചറിഞ്ഞത്. തുടര്ന്ന് വെന്റിലേറ്ററിലേക്കു മാറ്റുകയായിരുന്നു. തിരിച്ചുവരാനുള്ള സാധ്യത വിരളമാണെന്നു മനസ്സിലാക്കിയതോടെ തൃശൂര് ഗവ. മെഡിക്കല് കോളജിലേക്കു തന്നെ മാറ്റുകയായിരുന്നു. മെഡിക്കല് കോളജിലെ ശിശുരോഗവിഭാഗം മേധാവി ഡോ. കെ കെ പുരുഷോത്തമന്റെ നേതൃത്വത്തില് വിവിധ വകുപ്പുകളിലെ ഡോക്ടര്മാരുടെ ഒരു സംഘമാണ് അദ്രിദാസിനെ ചികില്സിച്ചിരുന്നത്. ഒരു വെന്റിലേറ്റര് അവനുവേണ്ടി നീക്കിവച്ചിരുന്നു. അശ്വിന്ദാസാണ് അദ്രിദാസിന്റെ സഹോദരന്.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT