റിട്ട. ഡിജിപി വി ആര്‍ രാജീവന്‍ അന്തരിച്ചു

തിരുവനന്തപുരം: റിട്ട. ഡിജിപി ഇടച്ചിറ വയലില്‍ വി ആര്‍ രാജീവന്‍(69) അന്തരിച്ചു. ഇടച്ചിറയിലെ വീട്ടിലാണു മരണം. എക്‌സൈസ് കമ്മിഷണര്‍, എഡിജിപി(അഡ്മിനിസേ്ട്രഷന്‍), ദക്ഷിണ മേഖല എഡിജിപി, ഡി ഐജി, തിരുവനന്തപുരം, കോഴിക്കോട് സിറ്റി പോലിസ് കമ്മിഷണര്‍, കൊല്ലം എസ്പി, പാലക്കാട് എ എസ്പി എന്നീ നിലകളില്‍ പ്രവര്‍ത്തിച്ചിരുന്ന ഇദ്ദേഹം സംസ്ഥാന ഫയര്‍ഫോഴ്‌സ് മേധാവിയായി 2010 ലാണ് വിരമിച്ചത്. 1977 ബാച്ച് ഐപിഎസ് ഉദ്യോഗസ്ഥനാണ്. പാലക്കാട് എഎസ്പിയായാണ് സര്‍വീസില്‍ പ്രവേശിച്ചത്. എറണാകുളം വയലില്‍ കെ രവീന്ദ്രന്റെയും നന്ദിനിയുടെയും മകനാണ്. ഭാര്യ: ഷീല. മക്കള്‍: ദീപക്, അര്‍ജുന്‍. മരുമക്കള്‍: അമൃത, ഡോ. തനുശ്രീ. സംസ്‌കാരം തിങ്കളാഴ്ച രാവിലെ 11ന് കാക്കനാട് അത്താണി ശ്മശാനത്തില്‍.