സ്ഫോടനത്തില് കൊല്ലപ്പെട്ട കാസര്കോട് സ്വദേശിയുടെ സംസ്കാരം ശ്രീലങ്കയില് നടത്തും
ശ്രീലങ്കന് പൗരത്വമുള്ള റസീനയുടെ മൃതദേഹം കേരളത്തില് കൊണ്ടുവരുവാനുള്ള എല്ലാ സഹായവും ലഭ്യമാക്കാമെന്ന് നോര്ക്ക അധികൃതര് ബസുക്കളെ അറിയിച്ചിരുന്നു.
കൊളംബോ: ശ്രീലങ്കയില് ഇന്നലെ നടന്ന സ്ഫോടനപരമ്പരയില് കൊല്ലപ്പെട്ട കാസര്കോട് മൊഗ്രാല്പുത്തൂര് സ്വദേശിനി റസീനയുടെ മൃതദേഹം ഇന്ന് ശ്രീലങ്കയില്ത്തന്നെ സംസ്കരിക്കാന് ബന്ധുക്കള് തീരുമാനിച്ചു. ശ്രീലങ്കന് പൗരത്വമുള്ള റസീനയുടെ മൃതദേഹം കേരളത്തില് കൊണ്ടുവരുവാനുള്ള എല്ലാ സഹായവും ലഭ്യമാക്കാമെന്ന് നോര്ക്ക അധികൃതര് ബസുക്കളെ അറിയിച്ചിരുന്നു. എന്നാല് ശ്രീലങ്കയില് തന്നെ സംസ്കരിക്കാന് ബന്ധുക്കള് നിശ്ചയിക്കുകയായിരുന്നു.
റസീനയുടെ പിതാവ് പി എസ് അബ്ദുല്ലയും ബന്ധുക്കളും വര്ഷങ്ങള്ക്ക് മുമ്പ് ശ്രീലങ്കയിലേക്ക് കുടിയേറിയതാണ്. ഭര്ത്താവ് അബ്ദുല് ഖാദര് കുക്കാടിനൊപ്പമാണ് ദുബയില് സ്ഥിര താമസമാക്കിയ റസീന ബന്ധുക്കളെ കാണാന് ഒരാഴ്ച മുമ്പ് ശ്രീലങ്കയില് എത്തിയത്. ശ്രീലങ്കയില് സ്ഫോടനം നടന്ന ഷാന്ഗ്രി റിലാ ഹോട്ടലിലായിരുന്നു ഇവര് താമസിച്ചിരുന്നത്. ഹോട്ടലില് നിന്ന് ചെക്ക് ഔട്ട് ചെയ്യുന്നതിന് തൊട്ട് മുമ്പായിരുന്നു സ്ഫോടനം. ഭര്ത്താവ് അബ്ദുല് ഖാദര് തലേദിവസം ദുബയ്ക്ക് പുറപ്പെട്ടിരുന്നു. ദുബയ് വിമാനത്താവളത്തില് വച്ചാണ് ഇദ്ദേഹം സ്ഫോടനവിവരം അറിയുന്നത്.
ഈസ്റ്റര്ദിനത്തില് ശ്രീലങ്കയില് നടന്ന സ്ഫോടനപരമ്പരയില് മരണം 215 ആയി. അഞ്ഞൂറിലേറെപ്പേര്ക്ക് പരിക്കുണ്ട്. പരിക്കേറ്റവരില് പലരുടേയും നില ഗുരുതരമായതുകൊണ്ട് മരണസംഖ്യ ഉയരാനാണ് സാധ്യത. റസീനയെ കൂടാതെ ലക്ഷ്മി നാരായണ് ചന്ദ്രശേഖര്, രമേഷ് എന്നീ ഇന്ത്യാക്കാരും ആക്രമണത്തില് മരിച്ചിരുന്നു.
RELATED STORIES
മോദിയുടെ മുഖ്യ വിമര്ശകന് ധ്രുവ് റാഠി അഞ്ച് പ്രാദേശിക ഭാഷകളില് കൂടി...
19 April 2024 11:00 AM GMTപ്രിയ വര്ഗീസിന്റെ നിയമനം; ഹൈക്കോടതി വിധിക്കെതിരായ ഹരജി അടിയന്തരമായി ...
19 April 2024 10:37 AM GMTലോക്സഭാ തിരഞ്ഞെടുപ്പ്; ഒന്നാംഘട്ട വോട്ടെടുപ്പ് തുടങ്ങി
19 April 2024 5:48 AM GMTബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMT