പ്രായപൂർത്തിയാവാത്ത പെൺകുട്ടിയെ പീഡിപ്പിച്ച് ഗർഭിണിയാക്കി; ആർഎസ്‌എസ്‌ പ്രവർത്തകൻ അറസ്റ്റിൽ

കേളകം: വിവാഹ വാഗ്ദാനം നൽകി പ്രായപൂർത്തിയാവാത്ത പെൺകുട്ടിയെ പീഡിപ്പിച്ച് ഗർഭിണിയാക്കിയ കേസിൽ ആർഎസ്‌എസ്‌ പ്രവർത്തകൻ അറസ്റ്റിൽ. കണിച്ചാർ താഴെ ചാണപ്പാറ ലക്ഷംവീട് കോളനിയിലെ തട്ടാരത്ത് തെക്കേതിൽ ലിജേഷി(26)നെയാണ് കേളകം പോലിസ് അറസ്റ്റ് ചെയ്തത്. ഇയാൾക്കെതിരേ പോക്സോ കേസ് ചുമത്തി.

കണിച്ചാറിൽ ലോട്ടറി സ്റ്റാൾ ജീവനക്കാരനായിരുന്നു ലിജേഷ്. 2020 ജനുവരിയിലാണ് കേസിനാസ്പദമായ സംഭവം. പെൺകുട്ടിയെ വിവാഹ വാഗ്ദാനം നൽകി നിരവധി തവണ പീഡിപ്പിച്ചതായി പെൺകുട്ടി മൊഴി നൽകി. ഗർഭിണിയായ പെൺകുട്ടി കഴിഞ്ഞ മാസം പേരാവൂർ താലൂക്കാശുപത്രിയിൽ പ്രസവിച്ചു .ഇതിനിടെ യുവാവ് മറ്റൊരു വിവാഹം കഴിച്ചിരുന്നു. കോടതിയിൽ ഹാജരാക്കിയ പ്രതിയെ റിമാൻഡ്‌ ചെയ്തു.