ഉപഭോഗം സര്വകാല റെക്കോര്ഡില്; സംസ്ഥാനം വൈദ്യുതി പ്രതിസന്ധിയിലേക്ക്
ഇന്നലെ കേരളത്തില് 84.21 ദശലക്ഷം യൂനിറ്റ് വൈദ്യുതിയാണ് ഉപയോഗിച്ചത്. വേനല് രൂക്ഷമാവുകയും ഡാമുകളില് വെള്ളം കുറയുകയും ചെയ്ത സാഹചര്യത്തില് വൈദ്യുതി ഉപയോഗം ഗണ്യമായി വര്ധിക്കുന്നത് വലിയ പ്രതിസന്ധിയിലേക്കാണ് എത്തിക്കുക.
തിരുവനന്തപുരം: കൊടുംചൂടിനിടെ വൈദ്യുതി ഉപഭോഗം സര്വകാല റെക്കോര്ഡിലെത്തിയതോടെ സംസ്ഥാനം വൈദ്യുതി പ്രതിസന്ധിയിലേക്ക്. ഇന്നലെ കേരളത്തില് 84.21 ദശലക്ഷം യൂനിറ്റ് വൈദ്യുതിയാണ് ഉപയോഗിച്ചത്. ഉപഭോഗത്തില് സര്വകാല റെക്കോര്ഡാണിത്. കഴിഞ്ഞയാഴ്ച 83.08 ദശലക്ഷം യൂനിറ്റ് വൈദ്യുതി ഉപയോഗിച്ചതാണ് ഇതിനുമുമ്പുള്ള റെക്കോര്ഡ്. സംസ്ഥാനത്ത് ചൂട് ക്രമാതീതമായി വര്ധിച്ചതാണ് വൈദ്യുതി ഉപഭോഗം കുതിച്ചുയരാന് കാരണമായത്. കേരളം കൊടുംചൂടില് വെന്തുരുകുമ്പോള് വൈദ്യുതി ഉപഭോഗം കത്തിക്കയറുന്നതില് വൈദ്യുതി ബോര്ഡ് ആശങ്കയിലാണ്. വേനലിനൊപ്പം ഡാമുകളിലെ ജലനിരപ്പും താഴുന്നതാണ് ആശങ്ക ഉളവാക്കുന്നത്. ഈ സാഹചര്യത്തില് കാര്യക്ഷമതയോടെ, കരുതലോടെ വൈദ്യുതി ഉപയോഗിക്കണമെന്ന് കെഎസ്ഇബി അറിയിച്ചു.
കനത്ത ചൂടിനൊപ്പം പരീക്ഷക്കാലവും ഉല്സവസീസണുമാണ് വൈദ്യുതിയുടെ ഉപയോഗം ക്രമാതീതമായി വര്ധിക്കാന് കാരണമായത്. വേനല് രൂക്ഷമാവുകയും ഡാമുകളില് വെള്ളം കുറയുകയും ചെയ്ത സാഹചര്യത്തില് വൈദ്യുതി ഉപയോഗം ഗണ്യമായി വര്ധിക്കുന്നത് വലിയ പ്രതിസന്ധിയിലേക്കാണ് എത്തിക്കുകയെന്ന് കെഎസ്ഇബി അധികൃതര് വ്യക്തമാക്കുന്നു. ഇതിനോടകം സംസ്ഥാനത്തിന്റെ വിവിധ ഭാഗങ്ങളില് രാത്രിയും പകലും അപ്രഖ്യാപിത വൈദ്യുതി മുടക്കം അനുഭവപ്പെടുന്നുണ്ട്. ഉപഭോക്താക്കള് പരമാവധി ഉപയോഗം കുറയ്ക്കണമെന്നും അല്ലാത്തപക്ഷം കനത്ത പ്രതിസന്ധി ഉണ്ടാവുമെന്നും ബോര്ഡ് മുന്നറിയിപ്പ് നല്കി. ചൂട് വര്ധിച്ച് ബാഷ്പീകരണ തോത് ഉയര്ന്നാല് ഡാമുകളിലെ ജലനിരപ്പ് വീണ്ടും കുത്തനെ താഴും. മഴ ലഭിച്ചില്ലെങ്കില് ഗുരുതരമായ സ്ഥിതിവിശേഷമാകും ഉണ്ടാവുകയെന്നും കെഎസ്ഇബി വൃത്തങ്ങള് പറയുന്നു.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT