പ്രതിപക്ഷ നേതാവ് തരംതാഴരുത്: എസ്ഡിപിഐ

തിരുവനന്തപുരം: എസ്ഡിപിഐയെക്കുറിച്ച് അടിസ്ഥാനരഹിതമായ ആരോപണങ്ങള്‍ നിയമസഭയില്‍ ഉന്നയിച്ച പ്രതിപക്ഷ നേതാവ് രമേശ് ചെന്നിത്തല ഇത്രമാത്രം തരംതാഴരുതായിരുന്നെന്ന് എസ്ഡിപിഐ സംസ്ഥാന സെക്രട്ടറി മുസ്തഫ കൊമ്മേരി. കെ എം ഷാജിയെ വകവരുത്താന്‍ എസ്ഡിപിഐ അവസരം കാത്തിരിക്കുന്നെന്ന പച്ചനുണയും ചെന്നിത്തല തട്ടിവിട്ടു. അങ്ങനെയെങ്കില്‍ ഈ വിവരം രഹസ്യമാക്കിവച്ചതിന് ചെന്നിത്തലയ്‌ക്കെതിരേ കേസെടുക്കണം.

കഴിഞ്ഞദിവസം മുഖ്യമന്ത്രി നടത്തിയ ആരോപണത്തിന്റെ ക്ഷീണം തീര്‍ക്കാനാണ് ചെന്നിത്തല ശ്രമിച്ചത്. ഇരുമുന്നണികളുടെയും ഫാഷിസ്റ്റ് വിരുദ്ധതയിലെ കപടമുഖം ഓരോ ദിവസവും വ്യക്തമാവുകയാണ്. പൗരത്വ സംരക്ഷണപ്രക്ഷോഭങ്ങളെ ഭിന്നിപ്പിച്ച് ശിഥിലമാക്കാനുള്ള ഭരണ- പ്രതിപക്ഷ കക്ഷികളുടെ ദുഷ്ടലാക്ക് തിരിച്ചറിയണമെന്നും അദ്ദേഹം വ്യക്തമാക്കി.