തുലാവര്ഷം ശക്തമായി; തിരുവനന്തപുരത്തെ അമ്പൂരിയില് ഉരുള്പൊട്ടല്
തിരുവനന്തപുരം, പൊന്മുടി, കല്ലാര് മേഖലകളില് ഇന്നലെ ആറ് മണിക്കൂര് തുടര്ച്ചയായി കനത്ത മഴ പെയ്തു. മലവെള്ളപ്പാച്ചിലില് പൊന്നന്ചുണ്ട്, മണലി പാലങ്ങള് മുങ്ങി. കല്ലാര്, വാമനപുരം നദികള് കരകവിഞ്ഞ് ഒഴുകുകയാണ്. കിള്ളിയാറിന്റെ തീരത്തുള്ളവര് ജാഗ്രത പാലിക്കണമെന്നും ജില്ലാ ഭരണകൂടം ആവശ്യപ്പെട്ടിട്ടുണ്ട്.
തിരുവന്തപുരം: സംസ്ഥാനത്ത് അടുത്ത മൂന്ന് ദിവസത്തേക്ക് കൂടി കാലവര്ഷം ശക്തമായി അനുഭവപ്പെടുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. വടക്കന് ജില്ലകളില് ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്.
തിരുവനന്തപുരം, പൊന്മുടി, കല്ലാര് മേഖലകളില് ഇന്നലെ ആറ് മണിക്കൂര് തുടര്ച്ചയായി കനത്ത മഴ പെയ്തു. മലവെള്ളപ്പാച്ചിലില് പൊന്നന്ചുണ്ട്, മണലി പാലങ്ങള് മുങ്ങി. കല്ലാര്, വാമനപുരം നദികള് കരകവിഞ്ഞ് ഒഴുകുകയാണ്. കിള്ളിയാറിന്റെ തീരത്തുള്ളവര് ജാഗ്രത പാലിക്കണമെന്നും ജില്ലാ ഭരണകൂടം ആവശ്യപ്പെട്ടിട്ടുണ്ട്. കനത്ത മഴയെ തുടര്ന്ന് പൊന്മുടിയില് സഞ്ചാരികള്ക്ക് രണ്ട് ദിവസത്തേക്ക് നിയന്ത്രണം ഏര്പ്പെടുത്തിയിട്ടുണ്ട്. കനത്ത മഴയില് തിരുവനന്തപുരത്തെ അമ്പൂരി കുന്നത്തുമല ഓറഞ്ചുകാടില് ഉരുള്പൊട്ടലുണ്ടായി. ആളപായമില്ലെങ്കിലും ഒരേക്കര് കൃഷി ഭൂമി ഒലിച്ചുപോയതായാണ് വിവരം.
മലമ്പുഴ അണക്കെട്ടിലെ വൃഷ്ടിപ്രദേശത്ത് മഴ തുടരുന്നതിനാല് അണക്കെട്ടിന്റെ ഷട്ടറുകള് ഇന്ന് രാത്രി പത്ത് മണിയോടെ 10 മുതല് 15 സെന്റിമീറ്റര് വരെ ഉയര്ത്തുമെന്ന് എക്സിക്യൂട്ടീവ് എന്ജിനിയര് അറിയിച്ചു. മുക്കൈ പുഴ, കല്പ്പാത്തിപ്പുഴ, ഭാരതപ്പുഴ എന്നിവയുടെ തീരങ്ങളില് താമസിക്കുന്നവര് ജാഗ്രത പാലിക്കണമെന്ന് ജില്ലാ ഭരണകൂടം നിര്ദ്ദേശം നല്കി. കാലവര്ഷം പിന്വാങ്ങിയതിന്റെ തൊട്ടുപിന്നാലെയാണ് തുലാവര്ഷം സംസ്ഥാനത്തെത്തിയത്. കാലവര്ഷത്തില് കേരളത്തില് 13 ശതമാനം അധികം മഴ ലഭിച്ചിരുന്നു.
RELATED STORIES
ദുബയില് വാഹനാപകടത്തില് തൊടുപുഴ സ്വദേശി മരണപ്പെട്ടു
26 April 2024 6:10 AM GMTമുഴുവന് വിവിപാറ്റും എണ്ണണമെന്ന ഹരജികളെല്ലാം സുപ്രിംകോടതി തള്ളി
26 April 2024 6:07 AM GMTഎല്ഡിഎഫ് ബൂത്ത് ഏജന്റ് ഹൃദയാഘാതത്തെ തുടര്ന്ന് മരിച്ചു
26 April 2024 5:44 AM GMTആദ്യവോട്ട് ചെയ്ത് വീട്ടിലെത്തിയ മദ്റസാധ്യാപകന് ഹൃദയാഘാതത്തെ...
26 April 2024 5:29 AM GMTപാപിക്കൊപ്പം ശിവന് ചേര്ന്നാല് ശിവനും പാപിയാവും, സൗഹൃദങ്ങളില്...
26 April 2024 4:28 AM GMTരാവിലെതന്നെ വോട്ട് രേഖപ്പെടുത്തി നേതാക്കള്; പ്രതീക്ഷയോടെ മുന്നണികള്
26 April 2024 3:56 AM GMT